Selfjall - Sandfell
near Mosfellsbær, Höfuðborgarsvæði (Ísland)
Viewed 1260 times, downloaded 17 times
Trail photos
Itinerary description
Hægt er að fara allt árið á Selfjall og Sandfell en á veturna þarf að taka með keðjubrodda (Esjubrodda) og óþarfi að fara bröttustu leiðina upp á Sandfell, velja frekar aflíðandi leiðir og ganga í krákustígum. Á vorin á meðan frost er í jörðu getur verið drulla þarna eins og annars staðar.
Waypoints
Waldorf skólinn
Waldorfskólinn er í Seldal, skjólsælum bolla neðan við Selfjallið. Þar eru bæði grunn- og leikskóli sem reknir eru eftir hugmyndafræði Rudolfs Steiner. Leikskólinn hóf göngu sína 1990 og ári síðar byrjuðu fjórir nemendur í 1. bekk grunnskólans. Alls koma um hundrað manns daglega í Seldalinn og dvelja þar við leik og störf. Mikið er lagt upp úr nánum tengslum við náttúruna og víða má sjá trjáplöntur sem hafa verið gróðursettar ofan við og í kringum skólann.
Örfiriseyjarsel
Selfjall er, eins og nafnið gefur til kynna, nefnt svo vegna selstöðu jarðarinnar Örfiriseyjar (sennilega kallað Erferseyjarsel hér áður) við rætur fjallsins. Í seljum voru ærnar mjólkaðar og unnar afurðir úr þeim en vatnsuppspretturnar í Lækjarbotnum hafa verið tilvaldar til að nota við afurðaframleiðsluna. Örfirisey hafði takmarkað landrými og þess vegna fékk hún þessa selstöðu. Í Básendaflóðinu 1799 fór jörðin í eyði um nokkra hríð og hefur það líklega markað endalok selsins. Á Selfjalli er áberandi klettaþúst vestan við okkar leið. Hún heitir Klifkista.
Húsfellsbruni
Hraunið sunnan af Selfjalli kallast Húsfellsbruni og er kennt við Húsfell sem er nálægt Helgafelli í Hafnarfirði og í suðurátt frá Selfjalli. Eldstöðin sjálf er staðsett við Stóra-Kóngsfell, skammt frá Bláfjöllum, og því nokkrum kílómetrum austar en Húsfell. Þar eru nokkrir gígar og heitir sá stærsti Eldborg. Þaðan hafa runnið fimm hraun frá því að ísöld lauk en ekkert hefur gosið þar frá landnámi. Bæði Húsfellsbruni og Hólmshraun koma úr þessari eldstöð og sömuleiðis hraunin í Heiðmörk. Hraunið er frekar úfið og ekki greiðfært en fallegt er að horfa yfir hraunbreiðuna af Sandfelli.
Sandfell
Sandfellið er handan við Selfjall og þarf að fara niður að Húsfellsbruna áður en farið er upp aftur. Sandfell markar í raun upphaf hásléttunnar í áttina að Bláfjallasvæðinu.
Toppur Selfjalls
You can add a comment or review this trail
Comments