Raso, Peñarrubia, Risca eta Rodil. Valpuesta herritik zirkularra

Euskal Herriko  100 mendi zerrendetako Raso, Risca eta Rodil igoko ditugu. 3 mendi hauek Miomako bailara ixten dute.
Valpuesta herrian hasi eta Mioma alderako errepidean hasi orduko,  eskuinera aterako gara, bide markatua jarraituz. (lila-txuria). Markek lehen gailurreraino lagunduko digute. Raso, erpin geodesikoa (1.051m; 1h 05min). Raso buzoia, (1.051m; 1h 10min).
Markak utzi eta ekialdera doan pista jarraitu. Aurrerago, bidegurutzean, aukera dago Peñarrubia igotzeko, joan-etorrian (Antena duena): zuzen, pista utzi eta gainez-gain Peñarrubia, (1.042m; 1h 32min).
Itzuli pisten bidegurutzera eta eskuinekotik jaisten hasi. Beheko lepo zabalera atera arte alanbre hesia izango dugu gure eskuinean; Caranca eta Mioman arteko muga.
Lepoan, norabide berdina mantenduz igotzen doan pista jarraitu. Gainera ateratzean   mendizerraren gain-gainetik joango gara, (Araba eta Burgos arteko muga). Peña Risca, (1.008m; 2h 50min).

Mendebaldera jaisten hasiko gara suebakia den pista jarraituz. Beherago beste suebaki zabala gurutzatu eta beherantz, Mioma eta Basabe herriak lotzen dituen errepidera ateratzeko. Errepidean gora tarte bat egin eta Larran lepora iristean, errepidea utzi eta eskuinera doan pista hartu. Gure eskuinean daukagun gaina Alto de Lagran da; bertatik pasako gara baina bidean aurrera egin eta bere hegoaldetik igoko gara.
Aurrean dugu hirugarren mendia; bertara joateko alanbre hesia jarraituko dugu: hasieran gure eskuinera baina aurrerago beste aldera pasa eta nahiko zikin dagoen bidexka jarraitu goraino.
Igoeran bi aukera daude hesia pasa eta pista hartzeko. Bigarrenean komeni da pasatzea, ze bidea nahiko itxia dago eta gailurrean alanbre hesia pasa beharra dago nahi eta nahiez. Rodil, (1.031m; 4h 15min).
Hemendik aurrera berriz ere marka lila-txuriak jarraitzea besterik ez da itzulia osatzeko