Grímannsfell, Flatafell og Skáldaleiðin
near Mosfellsbær, Höfuðborgarsvæði (Ísland)
Viewed 1616 times, downloaded 35 times
Trail photos
Itinerary description
Grímannsfell er hæsta fellið í landi Mosfellsbæjar og nokkuð áberandi í Mosfellsdalnum þó að það standist ekki samanburð við hina ljósu Móskarðshnúka norðan megin dalsins. Þetta er þægileg leið til að komast á Stórhól og hefst gangan skammt frá tóftum Bringna en þar var búið fram á sjöunda áratug síðustu aldar. Á leiðinni má sjá Helgufoss og ónefndan foss í hlíðinni og virða fyrir sér fallegt útsýnið yfir Mosfellsheiðina og fjöllin vestur, norður og suður af heiðinni. Farið er yfir Köldukvísl á göngubrú en minni læki þarf að stikla. Gangan hæfir flestum sem eru í sæmilegu formi en á veturna þarf að hafa með sér hálkubrodda enda getur auðveldlega orðið hált í vetraraðstæðum. Á vetrarkvöldum getur hins vegar alltaf sést til norðurljósa og þá getur verið fallegt að fara um þessar slóðir.
Waypoints
You can add a comment or review this trail
Comments