Camino Olvidado Bidea: 4.Cistierna-Magdalena

Noiz eginda: 2018 07

2018an oso ondo markatuta zegoen bidea, zaila zen galtzea, dena dela GPSa erabili genuen. Gehiena txirrindulaz egin daiteke, nahiz eta 2 tarte zailak izan, Cistiernarako jaitsiera menditik, eta batez ere Fasgar - Campo de Santiago - Colinas del Campo de Martin Moro Toledano (igoera zaila eta baita jaitsiera ere)

"Camino Olvidado, Viejo edo De la montaña" jarraitu genuen Balmasedatik Toreno herrira arte (Bierzo). Bidea Bilbon hasten da baina lehenengo etapa (Bilbo-Balmaseda) ezaguna dugu (trenez ere osatu daiteke -Feve- erabilita). Kilometro askotan zehar "Bilbo - La Robla" trenbidearen ondoan bidaiatzen da, baina ia ez dabil trenik.

Toreno herritik aurrera, gure kabuz errepidetik Sil ibaiatik, "Babia eta Luna" natura parkera joan ginen eta handik "Las Ubiñas" natura parkera. Ventana mendatetik Leon utzi eta Asturiasera sartu ginen. Ondoren, Bide berdeak (Senda del Oso, senda Uvieu - Fusa de la Reina) erabilita, Uvieura arte, ia trafikorik jasan gabe.

Entrevista en la radio pública vasca:

https://www.eitb.tv/es/radio/radio-euskadi/la-casa-de-la-palabra/5769457/5963541/literatura-nautica-pueblos-abandonados-el-camino-olvidado-en-bici/

4. etapako Argazkiak:

https://www.flickr.com/photos/93622198@N06/albums/72157697237784501


4. etapa. Etapa honen amaiera eta hurrengoaren hasiera baldintzatuta daude Ostatuen gatik eta hurrengo etapan "Campo de Santiago" ko igoeragatik. 5.etaparen zailtasunagatik, 4. hau ahalik eta gertuen amaitzea bilatu genuen. Etapa honen hasieran "Camino Vadiniense"rekin egingo dugu topo (Fuente De-Cistierna), laster, dena den, atzean utziko dugu eta lurpistetatik bilibiko gara kilometroetan zehar. Euria eginez gero, lurbide mota hauek nahiko nekagarriak egin ahal dira, gurpilak lurrera itsasten direlako. La Robla herrira arte gorabeheratsua da, erabat. Hiri honetan denetarik dugu, baita "Camino del Salvador" delakoarekin (Leon-Uvieu).

La Robla herritik aurrera etapako mendatea dugu, eta nahiko gogorra egiten da, indarrak gorde azken tarte honetarako, goian jada, La Madalena herrian egingo dugu lo, lautadatxoan.

Etapak:

Etapa 01 Balmaseda-Cilleruelo 76km 1300/700m

Etapa 02 Cilleruelo-Quintanalunegos 94km 1100/700m

Etapa 03 Quintanalunegos-Cistierna 82km 1000/900m

Etapa 04 Cistierna-La Magdalena 78km 850/800m

Etapa 05 La Magdalena-Igüeña 65km 1000/1000m

Etapa 06 Igüeña-Tejero de Sil 63km 1100/900m

Etapa 07 Tejero de Sil-Samartin 78km 1200/1800m

Etapa 08 Samartin-Uvieu 47km 500/900m