Medianeras Vigo 1.

Propoñémosche un recorrido polos muros e fachadas da cidade pintadas por artistas e que converten as medianeiras viguesas nunha galería de arte ao aire libre. Son case 160 obras deseminadas por toda a cidade.
Nesta primeira aproximación imos aproveitar os que se ven dende a senda verde e chegaremos ata Montero Ríos.
Zona Travesía. Empezas no número 109 da avenida de Galicia cunha obra de Míster Kern: un joven pelirrojo con gafas, que contempla con asombro a ría de Vigo. Segues a avenida ata a rúa Buenos Aires e colles a senda verde. Antes de coller a senda podes andar ata a entrada da autoestrada e observar o mural de Boamistura, unha combinación de letras en diferentes tonos. Dende a senda podes observar o mural das Illas Cíes nun edificio da rúa Trobos. Na rúa Coutadas saes da senda cando atopes o mural de Juan Díaz Faes no edificio situado no número 87. Se saes da senda pola dereita e baixas a rúa uns poucos metros ao chegar a piscina municipal tes que xirarche para poder ver o mural "Mulleres na música" onde Vanesa Álvarez, co apoio de Lorena Arévalo, rematou a sexta aportación do proxecto Expostas. E se saes da senda pola esquerda atopas a obra da artista Alba Fabre cunha gran imaxe que recrea a carta de tarot de 'O Colgado'. Segue pola mesma rúa ata o final e antes de dar a curva, xírate para atopar outro mural do programa Expostas. Esta vez é unha homenaxe a mulleres referentes: Rosalía de Castro, Emilia Pardo Bazán, Clara Campoamor; Maruja Mallo e Concepción Arenal. Agora podes subir as escaleiras da dereita e chegar á rúa Aragón co cruce con Subida Currás, 188 onde está o mural de Belin "Guerra e Paz". Volta outra vez á Travesía. Atopaches ao personaxe de Morris na serie Fariña? Asinado por Mon Devane está na esquina do número 160. Agora podes retomar a senda verde cara o centro ou seguir por Travesía a ver se atopades a "Nai e fillo" de Elisa Capdevila. Agora si, xa podes baixar cara a vía verde pola rúa Doutor Canoa e atoparte con Abi Castillo...Agora podes retomar a senda verde cara o centro.

Misión: atopa a Daniela Costas e BFlecha en Mulleres na música.

Zona Centro. Vai pola senda verde ata Vialia. A dereita, no instituto ROU fíxate na pegada de Perrine Horoné no chan da pista polideportiva. Neste segundo tramo ao chegar á altura da praza San Lourenzo xa tes unha vista doutros tres murais: xirándote tes "Mulleres no deporte" (outro mais dentro do programa Expostas), rúa arriba a obra de Virginia Bersabé "identidade da muller maior" e defrente a homenaxe de Nana ás mariscadoras. Tes a opción de saír da senda e baixar por Maestro Chané e velos mais de cerca e incluso descobrir o mural de Abi Castillo nas escaleiras que suben a Travesía. De volta na senda segues mirando cara arriba á esquerda para ver o mural cheo de cor da rúa Pino. Xa en Vialia achégate ás varandas do lado dereito e dende alí descobre o gran Gato Negro deseñado por SAM3 e un pouco máis adiante os murais de Twee Muizen. Seguindo ata a rúa Urzaiz xusto de frente atopas o mural de 3ttman en dúas medianeras á altura do número 62. A primeira podes vela dende o propio Vialia máis para ver o segundo terás que achegarte a rúa Urzaiz e baixar ata a rúa Brasil e xirarte. Segues baixando Urzaiz, xiras na rúa Cervantes e baixas ata García Barbón. Cruzas no semáforo e baixas pola rúa Roupeiro. Antes de baixar as escaleiras, a man esquerda xa tes un mural e un poema que completan a obra de Marcos Míguez Puhinger como homenaxe á poetisa María do Carme Kruckemberg. Na rúa Rosalía de Castro a man dereita, no colexio Niño Jesús de Praga, podes ver a obra da artista María Romero. Vai a rúa Areal por Canceleiro e xira á esquerda e despois do edificio Bonín (esquina Oporto) tes o mural monocromático de David de la Mano. Para rematar imos achegarnos ata Montero Ríos para ollar o mural de Isaac Mahov que amosa unha xove descansando sobre un mar en calma.

Misión: atopa o veleiro e o faro neste último mural.