Goizueta Artikutza. Enobieta urtegiari buelta

Comments  (2)

• 
  Imanol Etxebe Mar 11, 2015

  UZTAPIDEK ARTIKUTZARI EGINDAKO BERTSOAK
  1.-Artikutza’ra buelta bat eman
  nuen lengo egun baten
  nerekin ziran lagun batzuri
  jardun nintzaien esaten:
  Au baño toki ederraguak
  ez dira asko izaten,
  asi bear det mendi onetako
  berriak zerbait ematen.
  
  2.-Esan bezela, eman bar ditut
  Artikutzako berriak:
  danak or zeuden mendi eder ori
  erosteko egarriak;
  gauza auek len seguru asko
  dauzkazu irakurriak:
  nola atzenian erosi zuen
  Donostia’ko erriak
  
  3.-Donostia’ko erria zuen
  mendi orrek merkatari,
  eta erosi bear zitzaion
  Azillona markesari;
  bizkaitarren bat izan bear zun
  esaten degun jaun ori,
  bearrekua artu zioten
  erosi ziotenari.
  
  4.-Milla pasa ta bederatzireun
  da emeretzigarrena,
  da ilbeltz illak ogei ta zazpi
  ori erosi zuena;
  iru milloi ta berreun milla
  pezeta ordaindu dena,
  Donosti’k oraindik egin duan
  erosturarik onena.
  
  5.-Iru millako eta zazpierun
  ektareako basua,
  ogei ta amabi kilometro da
  mendien bira osua;
  Donostia’ko erateko ura
  ortik daukate jasua,
  orregatik da mendi aundi ori
  olako baliotsua.
  
  6.-Artikutza’ren aunditasunez
  gogoratuko zerate,
  neurri oietxek euki biaitu,
  neri ala esan dirate;
  mendi eder ori erosi zala
  berrogei ta amasei urte,
  garai aietan Zuaznabar jaun
  zan Donosti’ko alkate
  7.-Mendi onek lau erreka dauzka,
  emango det beren berri:
  Elama eta Urdallue bi,
  guk entzun ditugu sarri
  irugarrena Enobieta,
  laugarrena Erroiarri,
  txanpanen pare badira auek
  bat dagonian egarri.
  
  8.-Lau basarri’re baziran emen
  errekak bezela berdin
  Urdallue ta Elama eta
  Egazpia ta Goizarin;
  Pameliak or bizitzen ziran
  Lengo nagusariarekin,
  gero Donosti’k erosi zuan
  da baserriak desegin.
  
  9.-Orain berrogei ta amasei urte
  ingurumari aietan,
  beren kosetxa egiten
  zuten baserri aietan;
  ganadua’re errez egiten
  esan degun garaietan,
  ezkurra ere naikua baizan
  Artikutz’ko mendietan.
  10.-Orduan lasai biziko ziran
  Artikutz’ko basarriak,
  Ezkurrarekin mantendutzen or
  ardiak eta txerriak
  gero ixtia erabaki zun
  Donostiako erriak,
  eta orduan aldegin bear
  an ziraden paneliak.
  
  11.-Mendiko ganaduaz gaiñera
  minak ere or bazian,
  berreun gizon edo geiago
  lanean ari baizian;
  beruna edo plomuen billa
  Elama’n jardun oi zian,
  gero Donosti’k erosi zuan
  eta minak gelditu zian.
  
  *hurrengo mezuan jarraitzen du.

• 
  Imanol Etxebe Mar 11, 2015

  UZTAPIDE ARTIKUTZARI BERTSOAK:
  
  
  12.-Esan bezela, berreun gizon
  aritzen ziran lanian,
  gutxi edo geio aurrerapenak
  izaten dira danian;
  berunetikan Elama’n goian
  pilla egiten zanian,
  Errenteriko estaziora
  bajatzen zuten trenian.
  
  
  13.-Mendi orretan daude pagoak,
  Aritzak eta gaztaiñak,
  Danetikan ere ikusten
  dirade zugaitz bikaiñak;
  frutua duten zagaitzarekin
  ornituta mendi-gaiñak,
  basa-urdiak gozatze’ituzte
  ederki beren ezpaiñak.
  
  14.-Piñutik ere badago zerbait,
  baitare altz da urritzak,
  mendi ori zer dan ez lezake esan
  bertsolari baten itzak;
  altura pixka bat ere badu,
  izaten dira ekaitzak,
  bañan alare aixa azitzen
  dirade orko zugaitzak.
  
  15.-Orain baiño len izana nago
  Artikutza’n bertsuetan,
  aspertu ezinda ari begira
  antxe ordu osuetan;
  nere artian pentsatzen ego
  izan nintzan batzuetan;
  zenbat milloiren baliua ote
  zegon ango basuetan.
  
  
  16.-Aministradore jaunak zitun
  Ango berriak emanak,
  Nola amairu pameli ziran
  an bertan bizi ziranak;
  berrogei eta amabi bizi
  lagun omen dauzka danak,
  Donosti’ko aiuntamentuan
  enpleatutzen diranak.
  
  17.-Ogei ta amabi kilometroko
  bidia da Donosti’ra,
  ’akin egiten dute
  egunero andik jira;
  gaztiak eskolara eraman,
  jana ekarri mendira,
  urruti samar egonagatik
  olaxe moldatzen dira
  
  18.-Galeraziak daude Artikutza’n
  bai eizak da bai arrantzak,
  ori dela-ta ango goardak
  egon oi dira garratzak;
  ango erreka koskorrak dira
  amorraitan aberatsak,
  baña arrosa danak dituzte
  bakoitzak beren arantzak.
  
  19.-San Agustin da izendatua
  Artikutza’ko zaindari,
  Zenbat alditan ur presko ederra
  emana Donostia’ri
  orain urtiak juan dira ta
  osatzen naiko komeri,
  aurtengo udaran bajatua da
  ango presa aundi ori.
  
  20.-Artikutza’ko kapilla ere
  oraindikan da berria,
  orain berrogeita ta zazpi urte
  zuten zutikan jarria;
  da San Agustin zan egun baten
  zaindaritzat ezarria,
  ark berak asko apaindutzen du
  len esan degun erria.
  
  21.-Nere ustetan orko berriak
  nik eman nitun lenago,
  baña pelota-plaza ederra
  ere Artikutza’n badago;
  ango pestetan partidu ederrak
  sarri ikusia nago,
  ortik aurrera ezin nezake
  kontatu berri geiago.
  
  22.-Ango pestetan ikusitzen da
  plazan jendia gaiñezka,
  egun orretan bildutzen dira
  emengo mutil da neska;
  Dagonillen ogei ta zortzia,
  ori esan bearrik ezta,
  bertso onekin bukatutzen da
  gure Artikutz’ko pesta.
  
  
  
  

You can add a comment or review this trail