Paseo desde a Pesqueira ata a Fábrica dos Peites
near O Rosal, Galicia (España)
Viewed 95 times, downloaded 3 times
Trail photos
Itinerary description
Trátase dun pequeno paseo á beira do río que percorre diversas zonas de baño pasando por muíños, pesqueiras e outras zonas de interese ambiental e patrimonial. Moi aconsellado para realizar en familia dado que se trata dun percorrido pequeno e de baixa dificultade.
Ficha técnica
Lonxitude: 500 metros.
Percorrido: lineal
Dificultade: moi baixa
Duración aproximada: 20 minutos
Punto de partida: A Pesqueira
Punto de remate: Ponte dos Peites
Descrición da ruta
O inicio da ruta ten lugar na zona de baño coñecida como A Pesqueira, un espazo de lecer de gran beleza que permite ofrece ás persoas diversos lugares nos que poder nadar, tomar o sol ou desfrutar da paisaxe. O percorrido continúa río abaixo cara á Fábrica dos Peites, unha área de gran beleza e interese patrimonial e cultural.
Ademais de ser unha ruta sinxela que conecta dous espacios de ocio próximos ao río Carballas, percórrense zonas de alto valor patrimonial e natural como son os muíños, as pesqueiras ou a ponte de Pao. Todo isto nun percorrido apto para facer en familia.
Ten en conta:
- Esta é unha ruta apta para todos os públicos e moi axeitada para realizar en familia. O traxecto carece de desniveis e pasa por diversas áreas de descanso.
- Lembra levar o teu lixo de volta contigo.
Waypoints
Zona de baño - A Pesqueira
A Pesqueira é unha das zonas de baño que o río Tamuxe ofrece dentro do concello do Rosal. Un tranquilo espazo moi preto do centro da vila perfecto para gozar do lecer en familia e con sombra garantida no verán, grazas á masa arborada de bosque autóctono que abunda no lugar.
Ademais do seu valor paisaxístico e como zona de recreo, a contorna tamén alberga mostras de patrimonio etnográfico como diversos muíños hidráulicos.
Muíños hidráulicos
Ademais do seu valor paisaxístico e como zona de recreo, a contorna da Pesqueira tamén alberga mostras de patrimonio etnográfico como diversos muíños hidráulicos.
Ponte de Pao
A escasos metros da actual ponte, atopamos as pedras que sustentaban as táboas da ponte antiga que cruzaba o río, a ponte de Pao.
Fábrica de Peites
A Fábrica dos Peites é un muíño que foi, anos atrás, unha fábrica. Actualmente é unha casa particular que sigue tendo a roda do muíño a funcionar.
Desde aquí poden verse os dous piñeiros mansos que se atopan na propiedade da Bodega Quinta Couselo. Trátase de dous exemplares de máis de 250 anos que están recollidos no Catálogo de Árbores Senlleiras de Galicia.
You can add a comment or review this trail
Comments