Hella - Ægissíðufoss hlaupahringur
near Hella, Suðurland (Ísland)
Viewed 381 times, downloaded 1 times
Trail photos
Itinerary description
Gangan hefst við íþróttamiðstöðina á Hellu, nánar til tekið við sundlaugina. Einnig er auðvitað hægt að byrja gönguna hvenær á hringnum sem er.
Frá sundlauginni er gengið yfir veginn Þrúðvang og niður að ánni Ytri-Rangá, sem rennur í gegnum bæinn. Gengið er til vinstri niður með ánni eftir greinilegum slóða og niður að brú. Áin Ytri-Rangá á upptök sín í Sölvahrauni og er um 60 km löng, en þess má geta að gönguleiðin Hellismannaleið liggur einmitt að upptökum árinnar. Ytri-Rangá er ein vinsælasta laxveiðiá landsins og því má vel búast við að sjá veiðimenn á göngunni. Áin var fyrst brúuð árið 1912, en núverandi brú og brúarstæði er síðan 1960.
Gengið er áfram niður eftir, framhjá gamalli blómabúð, sláturhúsi, veitingastað og gistihúsum. Síðan verður nokkuð rólegra yfir og einungis fuglasöng að heyra, ásamt því að heyra mögulega hesta hneggja, enda Gaddstaðaflatir og reiðsvæði Geysis rétt ofan við. Bekkir eru hér reglulega, svo hægt er að setjast niður og einfaldlega njóta, með reglulegu millibili. Niður að helstu perlu leiðarinnar, Ægissíðufossi, eru 3 km. Rennslið í fossinum er nokkuð jafnt allt árið, enda Ytri-Rangá bergvatnsá. Það er helst í leysingum á vorin að vatnsrennslið verði meira, eða ef úrkoma hefur verið óvenjulega mikil. Fossinn sjálfur er góður veiðistaður og laxastigi við hann, handan árinnar.
Leiðin tilbaka er eftir vegslóða og útsýnið ekki af verri endanum á helstu fjöll svæðisins. Á þessum tímapunkti er orðið hægt að sjá Vestmannaeyjar. Síðan Eyjafjallajökul, Mýrdalsjökul, Tindfjallajökul, Vatnafjöll og Heklu. Jafnvel má sjá á Jarlhettur og Súlurnar í góðu skyggni, áður en komið er inn í þorpið. Gengið er við tjaldsvæði áður en komið er að Hótel Stracta, þar sem gengið er stuttan spöl eftir gangstétt, áður en leiðin sveigir upp á örlitla hæð þar sem gott útsýni fæst yfir aðal þjónustukjarna Hellu, hina svokölluðu Miðju. Er nú tilvalið að skottast áfram yfir gangbraut og framhjá Heilsugæslunni, áður en beygt er til vinstri og komið beint að íþróttamiðstöðinni þar sem hringnum er lokað. Tilvalið er að enda góða göngu á sundsprett í lauginni.
Skótau: Strigaskór eða utanvegaskór. Mögulega gönguskór á vorin eða ef búið er að rigna mikið.
Stafir: Þarf ekki. Valkvætt.
Fuglar sem sáust í göngu í apríl: Skógarþröstur, Hrossagaukur, Stelkur, Stokkönd, Grágæs, Álft, mávar og ekki síst Straumönd, sem á hvergi heimkynni sín í Evrópu nema á Íslandi.
Frá sundlauginni er gengið yfir veginn Þrúðvang og niður að ánni Ytri-Rangá, sem rennur í gegnum bæinn. Gengið er til vinstri niður með ánni eftir greinilegum slóða og niður að brú. Áin Ytri-Rangá á upptök sín í Sölvahrauni og er um 60 km löng, en þess má geta að gönguleiðin Hellismannaleið liggur einmitt að upptökum árinnar. Ytri-Rangá er ein vinsælasta laxveiðiá landsins og því má vel búast við að sjá veiðimenn á göngunni. Áin var fyrst brúuð árið 1912, en núverandi brú og brúarstæði er síðan 1960.
Gengið er áfram niður eftir, framhjá gamalli blómabúð, sláturhúsi, veitingastað og gistihúsum. Síðan verður nokkuð rólegra yfir og einungis fuglasöng að heyra, ásamt því að heyra mögulega hesta hneggja, enda Gaddstaðaflatir og reiðsvæði Geysis rétt ofan við. Bekkir eru hér reglulega, svo hægt er að setjast niður og einfaldlega njóta, með reglulegu millibili. Niður að helstu perlu leiðarinnar, Ægissíðufossi, eru 3 km. Rennslið í fossinum er nokkuð jafnt allt árið, enda Ytri-Rangá bergvatnsá. Það er helst í leysingum á vorin að vatnsrennslið verði meira, eða ef úrkoma hefur verið óvenjulega mikil. Fossinn sjálfur er góður veiðistaður og laxastigi við hann, handan árinnar.
Leiðin tilbaka er eftir vegslóða og útsýnið ekki af verri endanum á helstu fjöll svæðisins. Á þessum tímapunkti er orðið hægt að sjá Vestmannaeyjar. Síðan Eyjafjallajökul, Mýrdalsjökul, Tindfjallajökul, Vatnafjöll og Heklu. Jafnvel má sjá á Jarlhettur og Súlurnar í góðu skyggni, áður en komið er inn í þorpið. Gengið er við tjaldsvæði áður en komið er að Hótel Stracta, þar sem gengið er stuttan spöl eftir gangstétt, áður en leiðin sveigir upp á örlitla hæð þar sem gott útsýni fæst yfir aðal þjónustukjarna Hellu, hina svokölluðu Miðju. Er nú tilvalið að skottast áfram yfir gangbraut og framhjá Heilsugæslunni, áður en beygt er til vinstri og komið beint að íþróttamiðstöðinni þar sem hringnum er lokað. Tilvalið er að enda góða göngu á sundsprett í lauginni.
Skótau: Strigaskór eða utanvegaskór. Mögulega gönguskór á vorin eða ef búið er að rigna mikið.
Stafir: Þarf ekki. Valkvætt.
Fuglar sem sáust í göngu í apríl: Skógarþröstur, Hrossagaukur, Stelkur, Stokkönd, Grágæs, Álft, mávar og ekki síst Straumönd, sem á hvergi heimkynni sín í Evrópu nema á Íslandi.
Waypoints
Waypoint
162 ft
BEKKUR1
Waypoint
113 ft
BEKKUR2
Waypoint
159 ft
BEKKUR3
Waypoint
-48 ft
BEKKUR4
Waypoint
145 ft
BEKKUR5
Waypoint
312 ft
GRINDAHLID
Waypoint
93 ft
STIGI
Waypoint
-60 ft
STIGI2
Waypoint
-85 ft
TRAPPA
You can add a comment or review this trail
Comments