Madalenaitz-Akier-Illarraundiko malkorra. Madotz-etik zirkularra

Ibilbideak badu bere zailtasuna: luzera eta desnibel akumulatuen gain, kateatzen diren hiru mendi nagusiak elkarrengandik aparte daude eta mendi lerro ezberdinetan; bestalde, hiruretan ere, euren igoerak, gailurrak eta jaitsierak ez dira batere erosoak.

Hiru mendiak Euskal Herriko 100 mendi zerrendetan daude.

Madotz-en GR-20 hartuko dugu, lehenengora inguratzeko. Gerturatutakoan, bidexka garbia da bizkarreraino eta azken zatia kaotikoa izan arren ere, pintura puntu ugariek lagunduko digute gailurrera iristen. Madalenaitz (861m; 1h 20min).

Bide berdinetik jaitsi eta ezkerrera jaisten den bidexka jarraitu; zenbait zatitan oso bertikala da eta bustian, irristakorra. Zatirik bertikalenean soka dago lagungarri.

Pistara iritsi eta behera asko jaisten da. Errekara iristean (Urruntzurako erreka), gurutzatu egin behar da eta ez dago zubirik. Gehiago jaitsita zubia badago.

Behin, errekaren beste aldean, norabidea aldatu eta gorantz doan pista hartu. Borda batera gerturatzean pistaz jarraitu nuen San Migeleko errepidera atera arte. Eskuinera fuerte igotzen de bidexka lasterbidea da eta errepidera ateratzen da baina dezente gorago; aukera ona errepideko zatia laburtzeko.

900m-tara iristean, errepidea utzi eta eskuinera igoko gaituen pista hartu. Eta bailarara aterako gara, eta bigarrenera gerturatzean, bide erosoa utzi eta ezkerrera igotzen hasiko gara; batzuetan bidexka aztarnak, besteetan ez... Akier(1119m; 4h 35min)

Jaitsiera, eki iparraldera egin behar da; elurra zegoenez, bidea aurkitzen kosta zait baina basoan zehar erraz jaisten da. Pistetan jarraituz, errepidera eta ondoren Oderitz herrira. Eliza eta hilerria eskuinera utzi eta 950m-tik gora ez da erraza bidexkak jarraitzen. GPS-ren laguntza ezinbestekoa...
Hiru gailur daude inguruan: Iparraundi(1064m; 6h 40min). Larrazpil (1069m; 6h 55min) eta piska bat aldendua Illarraundiko malkorra (1064m; 7h 20min).

Hau jaitsi ondoren, Gara jarraituko dugu ia bukaera arte. Azken zatia, nik GRa utzi egin nuen, motzago iruditzen zaidalako