Orreaga - Urkulu - Orbaitzetako Ola - Orreaga

Txango interesgarria. Gogorrena hasiera da, Orreagatik Lepoederrerainokoa; 500 metroko desnibela. Handik Donejakue bidea jarraitzen du ibilbideak, kontrako norabidean. "Txangoa" mendia ezkerretik igaro, eta ezkerretara egin, Donejakue bidetik ateratzeko, eta Arnostegi leporaino egin. Urkuluko gailurraren azpi-azpian dago lepoa, bertatik gailurreko dorrearen arrastoak ikusi egiten dira. Handik errepidea hartu ezkerrera, eta Urkulura igotzeko eskuinetara ateratzen den errepidea hartu. Gasna saltzen duten borda bateraino eramaten du honek, gero desagertu egiten da. Urkuluko gailurreko dorreraino bizikletaz iristea badago, baina aldapak gogorrak dira. Handik jaitsita, berriz lehengo errepidera egin eta hura jarraitu. Urkuluri buelta osoa ematen dio. Momentu batean, errepideak ezkerretara egiten du nabarmen, eta Donibane Garazira jotzen du, behera. Orduan (ongi markatutako gurutzebidea da) , ez jaitsi, egin eskuinetara, Azpegiko lepora. Kromlech eta trikuharri artean Orbaitzetako Olaraino iristen da bidea, maldan behera gozatuz. Olara iritsi aurretik, baina ia-ia bertan, sarreran berean, bide bat ateratzen da eskuinetara, Nabala aldera. Olatik Orreagaraino 10 km-ko pista jarraitu, Nabalan barna. Orreagara iritsi baino lehentxeago, ibilbideak bat egiten du Lepoederretik jaisten den Donejakue bidearekin.
Oso ibilbide interesgarria zonaldea ongi ezagutzeko. Merezi du.
Ibilbide hau egiteko, Ipiluñoren beste honi jarraitu diogu (http://eu.wikiloc.com/wikiloc/view.do?id=1114588). Hau luzeagoa da, Ortzantzurietara ere igotzen baita.
Goza ezazue.