Loudenvielle, val louron azet btt, horquette d' ancizan, payolle, col de beyrede, loudenvielle

Goizeko 4ak inguruan frontalarekin bideari ekinez, ohartu gabe Lurron mendatera iritsi ginen, hortik pista bat ateratzen da: Azet mendatea pasa eta bihurgune itxi batean, poliki poliki 1700 metroko garaierara iritxiko gara eta bertan ordu laurden bat inguru itxoingo dugu egunsentiarekin zerbait ikusi arte. Ikuspegi paregabea eta bidea ere, nahi gabe 15 min horietan pauseri eman diot eta kilometro gutxi batzuk pasatuko dira jarraitu botoia sakatu arte: "cuentakilometrosen" arabera 2,8km galtzen dira ibilbide txiki horretan, mapan marra zuzen bat ikusi daiteke.
Inoiz ez hartu ezker edo eskuinera doazten pistak, beti mendi gailurretik joan beharra dago bestela galdu egingo zarete. Btt ederra, ondoren Lurron haranetik malda behera Aurre haranean sartuko gara: Gouax eta Grezian herriak igarota Antzizan mendate luzea errepidetik igotzen hasiko gara, payolle lakuan atsedenaldi txiki bat hartu baino lehenago.
Behin Payolle urtegian gaudela, Beirede mendatea errepidetik igo ordez, pixka bat beherago joko dugu eta bertara iristeko, mendiko pista luze eta gogor bat hartuko dugu
Beiredek aukera desberdinak ematen dizkigu: alde batetik Lanemezan herrira jetsi eta hortik Harro herriruntz abiatu (7 kilometro inguru) edo interesgarriagoa dirudien Aitzpen (Aspen) igo eta zuzenean Harro herrira jetsi. Guk lehenengoa aukeratu genuen, baina nik uste bigarrena interesgarriagoa izanen zela.
Azken kilometroak Lurron harana arte errepidez: gurpil oso lodia eramaten nuen eta errepidea oso astuna egin zitzaidan.
Guztira falta diren 2,8 kilometro horiek barne, 92km pasiak eta 2600 desnibel positibo beraz, oso zaila bezala sailkatzen dut: Azet inguruak galtzeko duen arrixkuarengatik, luzerarengatik eta desnibel positiboarengatik. Gogorra bezain ederra.