Bedaio-Añi-Orexa-Gaztelu-Leaburu

Ikaztegieta-Alegi-Ugarte-Bedaio-Gurbil Haundi-Zarate-Añi-Illarratzu-Lizartza-Orexa-Gaztelu-Leaburu-Ibarra-Tolosa-Alegi-Ikaztegieta

Mendiko bizikletaz eginiko ibilaldia, trafiko gutxiko errepide eta mendiko pistetatik igarotzen da gehienbat, Tolosaldeko herri txiki bezain, zoragarri batzuk bisitatuz.

Zailtasunari dagokionez ez da batere teknikoa, baina lokatza egon ezkero zailtasuna areagotu egiten da, batez ere, Zarate eta Añi artean. Añi-ko jaitsieran ere kontuz ibili behar da, zati batzuetan porlana dago eta hosto eta goroldio bustiarekin oso labainkorra egon daiteke.

Ikaztegietatik Ugartera errepidez joango gara, hemendik bedaio aldera jarraituko dugu, baina erdi bidean mendiko pista bat hartuko dugu Bedaiora igotzeko. Bertatik metro batzuk jaitsiko gara Gurbil Handiko bidegurutzera iritsi arte, hemendik Zarateko lepora joateko. Behin lepoan gaudela bidegurutze batekin egingo dugu topo(Bedaio, Azkarate, Altzo”Añi”) eta Añi alderantz hartuko dugu. Lokatz artean aurrera jarraituko dugu, bertako pagadien freskotasun eta lasaitasunaz gozatuz. Añi-tik Illarratzu ingurura jaitsikoa gara, jaitsiera luzea da eta kontuz ibili behar da, zati batzuetan porlana dago eta hostoez tapatzean oso labainkorra egon daiteke. Araxes errekari jarraituz Lizartzara joango gara, bertatik Orexara igo eta mendi pista batetik barrena Gaztelura iristeko. Hemendik beherako bidean Leaburu bisitatuko dugu eta Ibarra eta Tolosatik igaroz Ikaztegietara itzuliko gara.