Urkillaga - Muñoa - Maldatxiki - Erroi - Mallaburu - Agaramunda

Ataungo Aia auzoan dagoen Urkillaga mendatera joango gara. Hori izango da gure abiapuntua, lepoaren mendebaldean daudenttonttorrak egiteko.

Errepidean pittin bat jetxi eta Iberondo baserrirantz doan pista hartuko dugu. Bidegurutzean itturria daukagu.

Pistan Frantziskoenea baserriraino iritsiko gara. Zuzenean igotzeko malda erabat sasiz itxita dago eta ezin da. Bertakoak oso jator erakutsi zidan bezala, baserriaren eskubitara belaze batean sartu beharko gara aurrerago zuhaitz artean hasten den bidera iristeko. Bidea hasten den tokitik mendia mendebalderantz inguratzen hasi arteko bidea oso itxia dago, garo eta larrarekin. Kostata pasa eta bualtatu nintzen.

Bide hori jarraituz Maldatxiki mendiaren oinera iritsiko gara. Aldapa motza baina oso pikoa dauka. Goian, tontorra hestu eta luze zabaltzen da.

Berriro lepora jetxi eta Erroi mendira zuzenean Muñoa mendia inguratuz zehar-zehar joan nintzen. Eskuinera aldapa izanez, tarteka irristatu eta landare tarten ibili beharra izan nun. Muñoa eta Erroi arteko lepora iritsitakoan, Erroi oso erraz igotzen da.

Erroi txanpinoi naturalaz betea zegon. Lepora bueltatu eta Muñoara aldapa pikotik igoko gara. Begiratoki aparta inguru guztietara begiratu ahal izateko.

Muñoatik maldatxikiko lepora jetxi eta atzera Frantziskoenea bueltatuko gara, berriro garoa eta larrak hartutako bidezikinetik.

Mallaburua igotzeko Iberondotik gora abiatzen zen track bat jarraitu nuen. Momentu batean, belazearen goialdera iritsitakoan, nik poasabiderik ez nuen aurkittu eta txarrantxa alanbrea gainetik pasa beharrean izan nintzen.

Horrela ibili beharrean, berriro Urkillaga lepora bueltatu, GR 20.1 eskuratu eta Urkillaga baserri ondotik pasata Ataun alderako bidean Agaramunda leporaino joango nitzateke ( nire trakean itzulerako bidea izango litzatekeena. Behin Agaramunda lepora iritsita Mallaburu mendia erraz igoko duzu, larrak eta sasiak hartuta dagoen arren. Agaramunda lepotik Agaramunda tontorrera ere oso erraz igotzen da, ataka pare bat pasa eta gero.

Orokorrean, Muñoa-Erroi-Maldatxiki igotzea bi aldiz pentsatzeko modukoa da. Urkillatik Mallaburu eta Agaramunda igotzeko arazorik ez dago.