Urdazubi Etxalar // MUGAK ZUBI

Ibilibide hau MUGAK ZUBI proiektuaren parte da, Antzuola-Aiherra eta Aiherra-Antzuola oinez lotzen dituen ibilbidea. Gehiago jakin nahi baduzu jo gure webgunera.

www.MUGAKZUBI.eus
_____________________________________________________________________________________

URDAZUBI (Alt 92m, 330 biztanle) Ingurune pribilegiatu batean kokatua, NAFARROAKO Erresumaren atarian, URDAZUBI (euskaraz: Ura eta Zubi) historia eta kulturaz beteriko tokia da, eta San Salvador monasterioak eta bere klaustroak leku nabarmena dute herrian. Azpimarratzekoak dira, halaber, «indianoek» eraikitako armarriak dituzten egoitzak eta Pedro Aguerre «Axular» idazlearen jaiotetxea. URDAZUBI Done Jakue bidearen zati nagusia da Baztango ibarrean.

Herritik ateraz (alt 92m), eta zubia hegoalderantz zeharkatuz, Orabideko Errekatik gora doan pista hartuko dugu (5 km) Loiarako lepoa arte (441m). Panorama izugarria daukagu aurrean: Alkurrunz, Azkar eta askoz haratago. 1,5 kilometro egingo ditugu Urbia leporaino (434m). Pistak etxola batetik jarraitzen du, gero Mendibilen oinean Axuriarantz ondo markatutako bidexka batetik, eta Axuriaren hegoaldeko isurialdetik joko dugu, larre eta zohikaztegi babestuen ordoki zabalerantz. Hiru kilometroren buruan, 3 mugarrien lepoak (521m) « Xareta » lurraldearen mugak adierazten dizkigu (10 km) “Xareta”, mugaren bi aldeetako 4 herri, Urdazubi, Zugaramurdi, Sara eta Ainhoa biltzen dituen mugaz gaindiko elkartea da, lau herri horien izenak grabatuta dituen harri edo eskultura ikaragarri baten bidez seinalatua.
Jarraitu Maitio bidea pistari. Lakainlepen utziko dugu, Domikusantz auzotik pasa eta Lakain auzora heltzeko. Orain, Etxalar herri zoragarriari begira jarriko gara, inguruko gailurrekin, Tximista ibaiaren ertzeko Gaztelu dorretxearekin, eta gero, Perugorreneko bordatik eta Sagardiberea baserritik igarota, herriaren bihotzera iritsiko gara azkar, bere kale estuekin eta arkitektura nabarmenarekin, herriko plazarekin, okindegi abegitsuarekin eta tabernekin.