Sirvozelo, Cascata de Poço Dola, Curral da Biduiça e Cascata de Cela Cavalos. Montalegre. Portugal
near Sirvozelo, Vila Real (Portugal)
Viewed 61 times, downloaded 2 times
Trail photos
Itinerary description
Moi boa ruta, circular, nas paraxes incomparábeis do Gerês. Feita seguindo a información deste track: https://gl.wikiloc.com/rutas-sendeirismo/pnpg-de-cela-ao-poco-dola-via-sirvozelo-e-regresso-pela-cascata-de-cela-cavalos-128449755
Comezamos no cruce de acceso á aldea de Sirvozelo coa N 308 e dirixímonos cara as beiras do encoro de Paradela. Ata aproximadamente o quilómetro 2,5 vaise por camiño aberto mais a partir de aí, e ata o 10,5 aprox. camiñaremos por carrouchos serramos ou a valmontes. Tan só un pequeno anaco inicial deste treito pasa por entre mato alto pero non ten mor problema; nótase que por aquí ten pasado camiñantes pois hai xestas estrochadas, que o simple paso da facenda non produce. Tamén deixar anotado que ao longo desta parte abondosas mariolas (estantes) marcan con detalle o percorrido. Porén é máis que aconsellable seguir a ruta con GPS.
Non dou descrito a beleza primixenia das paisaxes que podemos albiscar a cada momento: as lonxanas montañas das Gralheiras, a vista das aldeas da parte do Outeiro, os penedos titánicos que compón formas fermosísimas á vez que impresionantes...
Logo de un bo treito de subida (case ata o Km 6), chegamos á Portela de Entrecaminhos e comezamos a baixada, bastante pina, ata o Poço Dola (D'Ola...?) Unha mágoa que, nesta altura do ano, o regueiro baixa con moi escaso caudal e a fervenza non ofrece a beleza maxestosa que ten que mostrar en caso de ir chea... O lugar, en todo caso, é dunha gran beleza. Curioso que na poza onde cae a cascata (a "ola") haxa peixes; canto esforzo tiveron que facer para dar subida ata esta altitude!
Seguimos en subida o Ribeiro Dola e logo o da Biduiça ata chegar á zona do Curral. Hai aquí un chouzo de pastores moi ben conservado (que pode servir de refuxio de emerxencia, aínda que non ten dotación).
Logo dunha levadía subida, volvemos á Portela de Entrecaminhos e comezamos a baixada, esta si que ben abrupta, polo val do Regueiro da Abalheira ata a estrada N 308. Por non haber outro remedio, hai que camiñar pola berma desta durante uns longos dous quilómetros. Aínda ben que neste treito atopamos a Fonte da Abelheira, ben acondicionada e cunha rica e fresca auga, onde podemos refrixerarnos un pouco e recargar auga.
Abandonada a estrada, descendemos por unha pista bastante pina e recachada ao sol cara a Cascata de Cela Cavalos. Aquí temos un outro lugar de engaiolante beleza, aínda que non se poida gozar con tranquilidade del pola aglomeración de xente que tenta tomar un baño na pequena poza da fervenza... Certamente é ata encomiable o esforzo de chegar ata aquí (e aínda máis regresar en permanente subida) mais o baño é incompatible coas condicións do local... Respecto da cascata, incluso nesta época leva auga bastante como para facerse idea do que pode ser en tempo de augada.
Emprendemos de novo a marcha para subir ata a capela da Santa Luzía. Aínda que o día non é dos máis calorosos, resulta pesado camiñar ao recacho do sol por esta petada. Como consolo, imos gozando de novas e fermosas panorámicas cara o val do Cávado.
Nesta parte coincidimos coa ruta marcada GR 50.
Atravesamos a aldea da Cela, con casas de rotunda arquitectura bastante ben conservada, espigueiros, lobios... e proseguimos, baixando ata un regueiro para logo subir (nunha xa incómoda petada) ata Sirvozelo. Aquí ficamos abraiados pola impoñente rocha que domina o casarío. Bonitas casas e recantos e unha capela simple no seu exterior, o que non impide un aspecto harmónico. A poucos pasos xa pomos fin a esta gratificante caminhada .
A ruta é un exercicio de goce da beleza avasaladora da paisaxe montuosa. Escasos treitos deixan de amosar novas perspectivas, outros penedos, mesmo as "artísticas" mariolas, e panoramas inenarrábeis.
Quen pretenda camiñar este percorrido xa debe ter comprendido que é exixente, non acondicionado, exposto aos elementos, sen acceso rodado... Todo o que puideran parecen "inconvenientes" para paseantes urbanitas. Sobra dicir que cómpre vestimenta, calzado, auga, alimento, información meteorolóxica, GPS... axeitados! Animaría a persoas afeitas a camiñar por montes a facer este percorrido.
Comezamos no cruce de acceso á aldea de Sirvozelo coa N 308 e dirixímonos cara as beiras do encoro de Paradela. Ata aproximadamente o quilómetro 2,5 vaise por camiño aberto mais a partir de aí, e ata o 10,5 aprox. camiñaremos por carrouchos serramos ou a valmontes. Tan só un pequeno anaco inicial deste treito pasa por entre mato alto pero non ten mor problema; nótase que por aquí ten pasado camiñantes pois hai xestas estrochadas, que o simple paso da facenda non produce. Tamén deixar anotado que ao longo desta parte abondosas mariolas (estantes) marcan con detalle o percorrido. Porén é máis que aconsellable seguir a ruta con GPS.
Non dou descrito a beleza primixenia das paisaxes que podemos albiscar a cada momento: as lonxanas montañas das Gralheiras, a vista das aldeas da parte do Outeiro, os penedos titánicos que compón formas fermosísimas á vez que impresionantes...
Logo de un bo treito de subida (case ata o Km 6), chegamos á Portela de Entrecaminhos e comezamos a baixada, bastante pina, ata o Poço Dola (D'Ola...?) Unha mágoa que, nesta altura do ano, o regueiro baixa con moi escaso caudal e a fervenza non ofrece a beleza maxestosa que ten que mostrar en caso de ir chea... O lugar, en todo caso, é dunha gran beleza. Curioso que na poza onde cae a cascata (a "ola") haxa peixes; canto esforzo tiveron que facer para dar subida ata esta altitude!
Seguimos en subida o Ribeiro Dola e logo o da Biduiça ata chegar á zona do Curral. Hai aquí un chouzo de pastores moi ben conservado (que pode servir de refuxio de emerxencia, aínda que non ten dotación).
Logo dunha levadía subida, volvemos á Portela de Entrecaminhos e comezamos a baixada, esta si que ben abrupta, polo val do Regueiro da Abalheira ata a estrada N 308. Por non haber outro remedio, hai que camiñar pola berma desta durante uns longos dous quilómetros. Aínda ben que neste treito atopamos a Fonte da Abelheira, ben acondicionada e cunha rica e fresca auga, onde podemos refrixerarnos un pouco e recargar auga.
Abandonada a estrada, descendemos por unha pista bastante pina e recachada ao sol cara a Cascata de Cela Cavalos. Aquí temos un outro lugar de engaiolante beleza, aínda que non se poida gozar con tranquilidade del pola aglomeración de xente que tenta tomar un baño na pequena poza da fervenza... Certamente é ata encomiable o esforzo de chegar ata aquí (e aínda máis regresar en permanente subida) mais o baño é incompatible coas condicións do local... Respecto da cascata, incluso nesta época leva auga bastante como para facerse idea do que pode ser en tempo de augada.
Emprendemos de novo a marcha para subir ata a capela da Santa Luzía. Aínda que o día non é dos máis calorosos, resulta pesado camiñar ao recacho do sol por esta petada. Como consolo, imos gozando de novas e fermosas panorámicas cara o val do Cávado.
Nesta parte coincidimos coa ruta marcada GR 50.
Atravesamos a aldea da Cela, con casas de rotunda arquitectura bastante ben conservada, espigueiros, lobios... e proseguimos, baixando ata un regueiro para logo subir (nunha xa incómoda petada) ata Sirvozelo. Aquí ficamos abraiados pola impoñente rocha que domina o casarío. Bonitas casas e recantos e unha capela simple no seu exterior, o que non impide un aspecto harmónico. A poucos pasos xa pomos fin a esta gratificante caminhada .
A ruta é un exercicio de goce da beleza avasaladora da paisaxe montuosa. Escasos treitos deixan de amosar novas perspectivas, outros penedos, mesmo as "artísticas" mariolas, e panoramas inenarrábeis.
Quen pretenda camiñar este percorrido xa debe ter comprendido que é exixente, non acondicionado, exposto aos elementos, sen acceso rodado... Todo o que puideran parecen "inconvenientes" para paseantes urbanitas. Sobra dicir que cómpre vestimenta, calzado, auga, alimento, información meteorolóxica, GPS... axeitados! Animaría a persoas afeitas a camiñar por montes a facer este percorrido.
Waypoints
Photo
2,885 ft
Carroucho serrano
Comeza aquí o sendeiro de pé posto. Nótase que foi acondicionado noutros tempos pero a falta de mantemento e a erosión case o borraron.
You can add a comment or review this trail
Comments