Serra do Marão

Prólogo escrito e roteiro elaborado por Álvaro, o noso Bareto.
No extremo sur do Maciço Galaico, entre os rios Douro, Corgo e Tâmega, a Serra do Marão constituiu historicamente un obstáculo que impedia a comunicaçon directa das grandes cidades do Minho e Douro Litoral (Braga, Guimarães, Porto) coa region interior do país, que precisamente por este motivo recibe o nome de Trás-os-Montes. O complicado paso da rota do Marão simbolizava a entrada nun território isolado e indómito, que non se deixava governar doadamente dende a distância. De aí o dito popular: «Para lá do Marão, mandam os que lá estão».
Actualmente, a linha de ferrocarril evita a serra seguindo as curvas do rio Douro, pero o problema da comunicaçon directa a través do Marão non se resolveu de todo até 2016, cando se inaugurou o túnel da autoestrada A4. Con 5,8 km, este é o túnel de estrada máis longo da Península Ibérica (descontando o túnel da M30 en Madrid que non cruza montanha ningumha e mai-lo túnel de Somport nos Pirineus que sae fóra da península).
Nós imos percorrer practicamente toda a serra neste roteiro de 23 km:
(Perfíl do roteiro adxunto en fotos)
Começamos na aldeinha de Mafómedes, na parróquia/freguesia de São Pedro da Teixeira, na comarca do Baixo Tâmega (região do Douro Litoral). Dende a ponte sobre o rio da Teixeira, subiremos fazendo zig-zags pola forte pendente até o cúmio do Alto dos Seixinhos (1278 m). Dende aí e pola crista da serra, acadaremos primeiro o cúmio da Fraga da Ermida (1397 m), e a seguir o próprio Marão (1416 m). Nesta parte estaremos indo sobre a fronteira de Trás-os-Montes (freguesias de Sedielos, Vinhós, Fontes e Campeã, todas na comarca do Alto Douro). Por esta última parróquia baixaremos até a antiga mina de ferro Maria Isabel, cheiramos a ver que hai por ali e miraremos de monta-la tenda por algun lado. Este é o ponto baixo na metade do roteiro, entre os quilómetros 11 e 12.
No dia seguinte, recomeçamos a rota subindo ao Alto de Freitas (1344 m) e dende aí seguimos pola crista occidental da serra, lindando coa freguesia de Ansiães, de novo no Baixo Tâmega, até o Penedo Ruivo (1232 m), cúmio situado junto à mina do Teixo, moi antiga (de origen romana), onde se extraiu antigamente ouro, e modernamente estanho e máis coltán. Despois de explorar este lugar, so falta descer de novo até a aldea de Mafómedes, e final.
...(Por editar)