Sendeiro do Deza. (Vila de Cruces e Silleda)
near Fontao, Galicia (España)
Viewed 53 times, downloaded 6 times
Trail photos
Itinerary description
Partindo do mosteiro de Carboeiro, atravesamos a Ponte do Demo e metémonos en carballeiras, atravesamos aldeas, chegamos a Fervenza do Toxa nun entorno incomparable, despois de cruzar pola ponte metálica sobre o río Deza.
A volta fixémola por camiños antigos no medio dunha exuberante vexetación autóctona, pasando pola capela de S. Paio.
Ao chegar de novo ao mosteiro, fixemos unha pequena Senda Botánica ap redor do mosteiro.
Unha ruta inesquecible, moi, moi recomendable!
Empreguei o track de Trota Montes para esta ruta.
Waypoints
Fervenza do Toxa
A fervenza do Toxa está en Pazos, no concello de Silleda. O río Toxa cae dende unha altura de 70 m. formando unha cascada das máis fermosas que se poden ver en Galicia. O río Toxa nace no sur de Sileda e despois de percorrer 15 km. desemboca no Deza precisamente onde forma a fervenza. O entorno é incomparable formado por pedra, vexetación e auga.
A. Recreativa A Carixa
Ás beiras do río Deza atopamos esta magnífica área recreativa que conta con tódolos servizos (incluso piscinas) nun frondoso e precioso entorno.
Ponte da Carixa
Restos dunha antiga ponte probablemente de orixe medieval. O arco que podevos ver na actualidade é obra inacabada de Manuel Sueiro Ramos (1928) que intentou reconstruir a ponte anterior que levara unha riada.
Mosteiro de Carboeiro
Antigo mosteiro benedictino ás beiras do Deza na parroquia de Santa Mª de Carboeiro (Silleda) A igrexa é unha das máis destacadas obras do románico.. Foi fundado no S.X e viveu o seu maior esplendor entre os S. XI e XIII. Despois da desamortización de Mendizabal (S. XIX) foi abandonado e expoliado en múltiples ocasións. Durante a 2ª metade do S. XX, leváronse a cabo diversos traballos de restauración que lograron conservar a arquitectura do templo e varias depencias monacais.
Senda Botánica
Espazo de alto valor paisaxístico ao redor do mosteiro de Carboeiro que nos permite desfrutar dun fermoso e didáctico percorrido contemplando diversas árbores autóctonas. Cando foi creada, tiña letreiros identificativos das distintas árbores. Actualmente faltan todos agás o do espiño.
You can add a comment or review this trail
Comments