Capela de San Vicente - Portecelo
near O Rosal, Galicia (España)
Viewed 104 times, downloaded 1 times
Trail photos
Itinerary description
Ruta de ida e volta desde a Capela de San Vicente de Marzán ata a Explanada do Horizonte en Portecelo que percorre o camiño que se empregaba antigamente para acarrexar o argazo desde a costa rosaleira ata outros lugares do Rosal.
Esta ruta conecta a zona do val do Rosal coa costa deste municipio. Ten o seu inicio a carón da capela de San Vicente de Marzán e vai percorrendo os montes do Rosal cara ao mar, ofrecendo ao senderista unhas fermosas vistas da costa atlántica e dos montes.
Ficha técnica
Lonxitude aproximada: 7 km
Percorrido: ida e volta
Dificultade: moderada
Duración aproximada: 2 horas
Punto de partida e remate: Sepulcros de Marzán
Descrición da ruta
O percorrido iníciase nunha zona de aparcadoiro a escasos metros dos sepulcros de Marzán, unhas sepulturas cristiás dos séculos IV-V escavadas na rocha que poden verse desde a estrada.
Esta ruta ascende ata chegar ao Alto da Cruz da Portela, lugar no que comeza o seu descenso cara a Portecelo, permitindo desfrutar das fermosas vistas que ofrecen os cumios do Rosal sobre o Océano Atlántico.
O punto máis baixo da ruta coincide coa Explanada do Horizonte, un lugar de lecer polo que trascorre o camiño de Santiago e desde o que poder disfrutar de fermosos solpores.
Ten en conta
- Esta ruta está sen sinalizar.
- O sendeiro transcorre por un terreo pedrento polo que é moi recomendable o emprego de calzado axeitado.
- Lembra levar o teu lixo de volta contigo.
Waypoints
Sepulcros antropomorfos de Marzán e Capela de San Vicente
O inicio da ruta ten lugar a carón de dous sepulcros antropomorfos (con forma humana) de época visigótica situados a escasos metros da capela de San Vicente, en Marzán.
Trátase dunhas sepulturas cristiás dos séculos IV-V escavadas na rocha. Unha delas é de tamaño lixeiramente inferior á outra. Probablemente pertenceron a un matrimonio.
A escasos metros dos sepulcros antropomorfos sitúase a capela de San Vicente. Esta capela sufriu numerosas reformas ao longo da súa historia, pero a cruz na cúspide do seu tellado e os sillares reutilizados nas súas paredes, así como a ara romana localizada nela e os sepulcros próximos, fan pensar que se trata dunha igrexa moi antiga, posiblemente anterior ao século X.
A Igrexa de Marzán dependía do Mosteiro de Oia. A ara romana está adicada a Mercurio e consérvase no Museo Diocesano de Tui coa seguinte inscrición: “DEO/MER(curio)//FRO(nto)/EX V(oto) P(osuit)”
Muíño da Pontiña
Conxunto de 4 muíños de canle propiedade dos veciños de Marzán. O muíño da imaxe segue sendo empregado para moer na actualidade.
Camiño orixinal
Na imaxe aprézase un regato que en realidade é o camiño orixinal. Dadas as fortes choivas dos meses de decembro de 2022 e xaneiro de 2023, o camiño quedou cuberto de auga, motivo polo cal esta ruta transcorre por un camiño alternativo.
Área recreativa A cruz da Portela
Na zona da Cruz da Portela ábrese un espazo de lecer arborado con bancos e mesas de pedra e cunha zona de miradoiro a modo de balcón ao Atlántico no que se sitúa unha cruz feita en pedra. Desde este punto pódese observar a rochosa e rectilínea franxa costeira do Rosal.
A Cruz da Portela é un punto privilexiado para contemplar o solpor. Un lugar onde sentir a brisa do mar e escoitar o son da ondada mentres o sol se somerxe no Atlántico.
Camiño de Portecelo
O descenso cara a Portecelo faise polo antigo camiño de Portecelo, lugar polo que ían as persoas antigamente para chegar desde Portecelo a outras zonas do Rosal e viceversa e polo que se acarrexaba o argazo desde a costa ata outros lugares.
Ao longo deste camiño pódense disfrutar das vistas que ofrece a costa do Rosal.
Explanada do Horizone
A Explanada do Horizonte é unha área de esparexemento localizada á beira do Océano Atlántico. Conta con numerosos bancos e mesas, así como columpios e outros entretementos para pequenos e maiores. É unha zona privilexiada para desfrutar dos fermosos solpores sobre o mar.
A finais do ano 2020 remataron as obras de reforma integral e mellora paisaxística desta zona así como do acondicionamento do tramo do Camiño de Santiago pola costa que pasa polo municipio do Rosal. O proxecto da arquitecta rosaleira María Fandiño levou numerosos premios a nivel nacional e internacional.
Panorámica
Desde a Explanada do Horizonte pódese observar a costa e os montes de Oia, O Rosal e a Guarda.
Parquing
You can add a comment or review this trail
Comments