Ruta 'Panorámicas de Samos'

Saímos da praza do Concello e dirixímonos a facer unha ruta que subirá ao monte para logo baixar facendo un percorrido circular e tomando sempre o pobo de Samos como referencia: teremos diferentes panorámicas do mesmo e propoñémosche que as compartas aquí.

Case todo o camiño é por terra salvo un tramo que é polo arcén da estrada de Lóuzara que aínda que non é moi transitada hai que ter coidado sobre todo se se nos bota a noite encima, é importante levar un brazalete reflectante se fora o caso.

A ruta pasa por soutos que e bosque que a natureza foi facendo pouco a pouco nun camiño no que se vei a pegada do home, ou mellor dito das máquinas do home, pero coma sempre a natureza é sabia.

Tras dun primeiro tramo en costa ascendente que nos pode costar se non estamos afeitos a andar chegamos a un tramo onde iremos por terreo plano para comezar a descender, estamos facendo o último tramo do Camiño de Santiago á súa chegada a Samos que atravesa o barrio de Outeiro ata volver a chegar á praza do pobo.

IMPORTANTE: en inverno trae botas, hai camiño con auga! A ruta non está sinalizada, tes que seguir a aplicación.

-LEMBRA-
- Antes e saír mira que non te atopes mal ou que pensas que o vas pasar mal, esto non é batir récords, é gozar e non condicionar a ninguén.
- RESPECTA A NATUREZA: non fagas ruído, non deixes lixo, nin televes nada: nin unha rama xa que teñen a súa función sempre.
- RESPETA A PROPIEDADE PRIVADA: non podes abandonar os camiños, lembra que a túa liberdade pasa por respectar os espazos dos demáis.
- LEVA SEMPRE: auga, algo de comida, o móbil cargado, protección para o frío ou a choiva e a calor, un mínimo botiquín, unha bolsa para recoller o teu lixo e o dos demáis, ... e se a ruta é longa unha muda de roupa e unha manta térmica.