Ruta do Río Ouro. (Dende a igrexa)
near Villarmea, Galicia (España)
Viewed 18 times, downloaded 0 times
Trail photos
Itinerary description
Veremos no percorrido o entorno da igrexa coa fermosa fonte de S. Campio, o petroglifo de S. Marcos, a Ponte Vella que dá nome a tan fermoso barrio...veremos a Fonte de Fernandete da que hoxe pouco manaba debido á escaseza de chuvia que estamos a ter e que tamén se notaba no río e na Presa de Posada.
Poderemos abandonar a ruta en dous puntos diferentes nos que hai pontes que comunican coa estrada moi próxima.
Eu despois de ir ata a presa, abandonei a ruta na última ponte porque vin un sinal para sendeiristas e ciclistas. Accedín á estrada ao pé de onde está o Pazo de Fontao e algo máis adiante, volvín ao pé do río seguindo outros sinais. Menos mal que eu, despois de longa experiencia en sendeirismo, sempre levo pantalón largo e botas pois pasei un tramo totalmente descuidado entre grandes felgos, silvas...mellor ir outro pouco pola estrada e pillar de novo a ruta na seguinte ponte que está moi cerca ou ben volver polo mesmo lugar que na ida.
A ruta vale moito a pena, veremos moitas árbores autóctonas e o percorrido despois de pasar unha pequena Central Eléctrica abandonada para min é o máis fermoso e o entorno da presa de Posada é algo máxico.
Waypoints
Igrexa parroquial de Santiago de Fazouro
Esta igrexa é do ano 1750 e foi construida sobre outra anterior da que só se conserva a porta principal. Esta nova igrexa ten só unha nave con sacristía a tres augas e capela maior a catro.
Petroglifo
A finais dos anos 50 do pasado século, esta pedra foi o xoguete dalgúns dos nenos do barrio de A Ponte Vella, os cales se dedicaban a empurrala dándolle voltas pola costa abaixo do camiño coma se dunha pelota se tratase, pero a pesar de dar tantas voltas, tal obra volveu, non se sabe como, a parar ao lugar onde sempre estivo colocada. Ten grabado nun lado un Cristo, noutro unha figura que din que é o apóstolo S. Marcos e noutro lado, un peregrino. Ninguén sabe do século que pode ser, os veciños contan que supera os 100 anos de antigüidade.
A Ponte Vella
A Ponte Vella actual sustitúe a outra antiga que había e era de madeira. Cando esta podreceu e ata que fixeron a nova, un veciño do lugar , Ramón Martínez, o Caminero, dispuña dunha pequena gabarra coa que cruzaba o río levando xente. O nome precisamente de Ponte Vella vén de cando esa ponte era de madeira e era vella.
Área recreativa
Ao pé deste inicio de ruta hai unha pequena área recreativa que conta tamén cun pequeno parque infantil.
Presa de Posada
Tamén chamada de Pena Ruxida servía para suministrar auga á Planta de Luz de Posada.
Pazo de Fontao
As orixes deste lugar remóntanse ao S. XVI aínda que a parte máis importante da casa é do S. XVIII. Actualmente, o VIII Conde de Fontao é D. José Manuel Romero Moreno que pasa longas temporadas neste pazo que mantén sempre moi ben coidado. Hai que dicir que xa estamos na parroquia limítrofe de Santa Cilla a onde pertence o pazo.
Dereita.
Mellor seguir pola estrada uns metros máis e enlazar coa ruta na ponte seguinte
O Cristo
Este edifcio foi construido no S. XVIII por José Fernández Pedrosa e restaurado polo deu descendente Ramón Posada Fernández no 1950.
You can add a comment or review this trail
Comments