Ruta deserto de Tabernas e localizacións cinematográficas. Tabernas (Almería).

Andada moi, moi interesante! Feita seguindo este track: https://gl.wikiloc.com/rutas-sendeirismo/desierto-de-tabernas-sendero-pr-a-269-extendido-32729340
No lugar do comezo (Oasys Minihollywood) hai onde estacionar. Comeza baixando por unhas ramplas e escaleiras ata o primeiro barranco ou "rambla": Barranquillo de Genaro. Nesta altura, mesmo levaba un regueiro de auga. Este e máis a Rambla de Tabernas teñen algo de vexetación, descolando palmeiras e eucaliptos... Nalgún outro punto da ruta pódese atopar tamén algo de vexetación nos leitos das barracas pero en xeral a paisaxe xustifica o nome de "deserto". Por esta parte, hai cartaces que aluden a localizacións de gravacións fílmicas: "Lawrence de Arabia"...
O resto da ruta vai combinando ramblas e lombos para transitar dunha para outra. En todo caso, a cada momento vaise atopando elementos que chaman a atención. Mirando os puntos de interese pódese ter unha idea da riqueza de panorámicas das que gozar durante a camiñada.
Pouco antes de chegar a unha gasolineira (quilómetro 5,9 aprox.) existe un pechamento no camiño cunha cancelas carrais pero que non impiden pasar á borda. Un cartaz informa de que é unha finca privada...
Pode resultar algo monótono o regueiro de Verdelecho pero é o medio para ir a unha das localización cinematográficas máis chamativas a do "Forte El Cóndor", un lugar certamente curioso. Perto del está o poboamento Leone ao que non se pode acceder. Volvemos á Rambla de Tabernas e non se debe perder unha visita de ida é volta a través desta cabanca a un canón espectacular e cuxa entrada pode pasar desapercibida polo estreito que é. No mapa aparece a referencia "Cascada seca de Ivonne"...
Este percorrido non segue sempre unha ruta sinalizada (aínda que coincide nalgún treito cunha) polo que é practicamente imprescindíbel empregar o GPS.
Insistir na beleza das panorámicas que podemos dominar e nas curiosas formación xeolóxicas que nos é dado esculcar. A acción erosiva da auga modela formas ben curiosas.
Dada a natureza do sitio, non é unha ruta acaída para días de moita calor. Débese ir ben aprovisionados de auga, naturalmente. Non sería indicado camiñar por estes cavorcos en días de treboada polo risco de cheas.