Ponte Barxas, saudade da raia.

O 25 de xuño do ano 1992 entrou en vigor o Acordo de Schengen que abriu as fronteiras entre España e Portugal ao libre tránsito de persoas e este tratado que suprimiu as alfándegas supuxo unha importante alteración na economía de Ponte Barxas. A partires de agora declina totalmente o contrabando de mercadorías que alimentara a moitas familias deste lugar do concello de Padrenda nos tempos posteriores a guerra civil española.

Os puxantes comercios ateigados polos vecinos portugueses a procura de bens que non había ou eran moi caros no seu país agora terminan de esmorecer e pechan para formar parte do pasado, coma o tráfico de persoas en pequeñas lanchas que cruzaban o río Miño a altura de Frieira. Son novos tempos para os aproximadamente 160 habitantes de Ponte Barxas.

O noso percorrido podémolo comezar na pequena capela que hai nas proximidades da antiga aduana e facendo o traxecto no sentido contrario as agullas do reloxo imos cara a aldea de Coucieiro, onde veremos a ermida de Santo Antonio e máis un peto. Seguimos para As Vendas e por medio dun piñeiral chegamos a aldea de A Corga e axiña a Lordelo onde hai outro peto de ánimas. Segue a nosa marcha por outro bosque de pinos e por veces ollaremos aló embaixo o Miño e tamén o val do río Barxas.

É momento de empezar a baixar para o río Miño para visitar a aldea de Sa, cun cruceiro que lembra que por aquí pasaba unha ruta xacobea, existindo no pasado un hospital de peregrinos no seguinte lugar que pasaremos, O Condado. O roteiro enfila por un camiño paralelo ao Miño buscando o río Troncoso ou Barxas, un chisco antes da sua desembocadura en Frieira.

A contracorrente polas beiras do río Troncoso camiñamos pola raia con Portugal ao carón dunhas augas que gozan dun bo estado ambiental e mergullados nun vizoso bosque de ribeira tendremos ocasión de ver varios muíños de cubo en distinto estado de conservación. A nosa andaina remata no centro de Ponte Barxas, onde comezamos.