Percurso do Vinho do Porto (PR 2 Lamego)

Este roteiro circular sinalizado permítenos coñecer unha fermosa zona onde os viñedos dispostos en socalcos fan de balcóns sobre o río Douro. Percorreremos terras do concello de Lamego e en fronte de Peso da Régua, na comarca do Alto Douro Viñateiro. Comeza na parte de abaixo da igrexa matriz de Samodaes.
Dí o tríptico editado polo concello de Lamego de esta ruta:
"O vale do Douro é froito dos prodixios da natureza, mais tamén do esforzo e da enerxía gastada polo home na súa transformación. A viña que produce as clases do célebre viño de Porto é a causa e a razón maior de todo este arduo traballo.
Siglos de fatiga e sudor humanos abriron a terra, removeron o xisto, moldearon os muros dos socalcos para prantar as videiras, erguendo esta obra colosal, que o Marqués de Pombal recompensaría, no século XVIII, có título de primeira Rexión Demarcada do mundo.
De clima mediterráneo, o val é un enclave quente e seco, propicio ao cultivo da viña, da oliveira, da amendoeira e de árbores de froita como a cerdeira, a figueira, o pexegueiro, a laranxeira, a maceira, entre outros. A paisaxe ao alcance da vista é tan heteroxenea, que ora só se ven viñedos e socalcos, no corazón do Douro, ata o Tua, ora vexetación espontánea e agreste que enche todo o horizonte como acontece no Douro Superior.
Por outra banda, solares, quintas típicas e testemuñas de povos errantes e de culturas diferentes marcan de forma indeleble a paisaxe que lembra a cada intre a importancia estratéxica que o Douro sempre asumíu na historia.
O trilho Vinho do Porto é sen dúbida un dos máis fermosos percursos pedrestes. Percurso no cal percorreremos trilhos polas fermosas viñas do Alto Douro Viñateiro, clasificado pola UNESCO com Patrimonio Mundial na categoría de paisaxe cultural, no ano 2001. Bañada polo río Douro, esta mesma rexión produce viño desde fai centos de anos."