OMAKO BASOA (PR BI 180)
near Basondo, País Vasco (España)
Viewed 32 times, downloaded 2 times
Trail photos
Itinerary description
1982an ekin zion dagoeneko gure artean ez dagoen Agustin Ibarrolak intsinis pinuen enbor gainean margotutako hainbat motibo eta irudi geometriko osatzeari. Hala ere, ez da ikusten dugun hau jatorrizko basoa. Aurrekoa egoera txarrean zegoela eta, Ibarrolak berak gainbegiratuta ekin zitzaion oraingoari. Kortezubi izeneko udalerrian dagoen artelan honek, beraz, euskarri biziduna (pinua) dauka, eta bi eta hiru dimentsioen ikuspegia erabiliz bisitaria artelana deskubritzera animatzen du. Horiek guztiak direla-eta, artelan hau Artea eta Natura korrontearen erreferentea da eta bereziki, Euskal Herriko artearen erreferentea.
https://www.bizkaia.eus/eu/web/bosque-oma-basoa/proiektua
Waypoints
APARKALEKUA
Bertan dago Omako basoaren informazio gunea. Baita Santimamiñera joateko ere.
BIDEGURUTZEAK (ERNE)
Gora hartuko dugu pista jarraituz. 2,8 kilometro dira, 45 bat minutu.
OMAKO BASOA
Auzo honetan Agustin Ibarrolak egindako "Baso margotua" dago. Izan ere, artista bizkaitarrak hango pinudia margotu zuen forma abstraktuak eta begi-efektu ederrak sortuz. XX. mendeko hirurogeigarren hamarkadan sortutako "Land art" korronte sortzailearen adierazpena da; izan ere, korronte honen helburua lan artistikoa naturara eramatea da, paisaia artistaren marko, euskarri eta materia gisa erabiliz.
EREÑOZAR ERMITA (BASONDO-SANTIMAMIÑE)
Bidean, dagoeneko Basondo-Santimamiñera bueltatuz, mendi gainean ikus daiteke Ereñozarko San Migel ermita. Mendi azpian dago Santimamiñeko kobazuloa.
SANTIMAMIÑEKO KOBA
Santimamiñe Bizkaiko iparraldean dagoen leize bat da. Hor, Goi Paleolito garaiko margoak daude, Magdaleniar aldikoak, orain dela 13.000 urtetakoak. Bizkaiko Kortezubi udalerrian daude kokatuta, Basondo auzoan, Ereñozar mendiaren magalean. 1916an J.F. Bengoetxeak aurkitu zituen bertako labar-pinturak, eta ondorengo urteetan Enrique Eguren, Telesforo Aranzadi eta Jose Migel Barandiaran arkeologoek haitzuloak ikertu zituzten sakon, 1918 eta 1926 artean. 2008an UNESCOk kobazuloak gizateriaren ondare izendatu zituen, Ekainekin eta Altxerrirekin batera, Altamirako leizearen talde berean sartuta.
You can add a comment or review this trail
Comments