Nefsteinn (systrafell) og Bárðartindur

Þetta var tekið sem hluti af 100 hæstu tindum á íslandi. Líklega hefði maður ekki farið þarna nema af því að Nesteinn og Bárðartindur eru á topp 100, síðan kom í ljós að þetta er með flottari og magnaðri stöðum sem maður hefur komið á hérna á íslandi.
Best tel ég vera að hefja gönguna á þessa tvo tinda við Hnýflana og síðan er spurning hvort er betra að ganga fyrst á Nefsteinn eða á Bárðartind? Þar sem við þurftum að ganga talsvert upp með ánni (upptök Skjálfandafljóts) til að geta vaðið yfir hana, þá ákváðum við að fara fyrst á Nefsteinn. Ef við hefðum geta vaðið yfir ána við Hníflana, þá hefði jafnvel verið betra að byrja á Bárðartind.
Til gamans þá óðum við í raun yfir á vatnaskilum, Skjálfandafljóts og Rauðá.
Eins og sést á trackinu þá er ekki augljóst hvar Nefsteinn er, og þessir tindar ganga líka undir nafninu, Systrafell, til öryggis, eins og sést á trackinu, þá gengum við á þá alla 3.
Fleira til að hafa í huga:
Við vorum á ferðinni í lok júlí og heit var í veðri, þá eykst vanalega í ánum þegar líður á daginn, sem og gerði hjá okkur, en það kom ekki að sökk. Gott er því að hugsa sem svo, ef það er á tæpasta vaði að vaða yfir um morgun, þá gæti verið nánast vonlaust að gera það seinnipartinn.
Til að fara yfir skriðjökullinn, fórum við alveg neðst á hann, þó ekki niður fyrir hann, bara þar sem hann var orðið tiltörlega sprungu laus. Síðan þar sem við gengum réttsæliðs á þessa tinda, er mikilvægt að halda sig upp á hryggnum sem er austan megin við skriðjökulinn, við gerðum þau regin mistök að fara niður af honum og þurftum þá að þræða verulega krefjandi landslag með sambland af möl, sprungum og ís. Hrygginn má sjá á mynd.
Það getur líka verið erfitt að finna leiðin rétt seinustu metrana á topp Bárðartinds, en GPS á að redda því.
Öllum er líka velkomið að hafa samband fyrir frekari upplýsingar á asgeir@takmarkalaustlif.is