Miradouro Fisgas de Ermelo, Miradouro Cancela do Miradouro y Piocas de Cima desde Ermelo

Ruta circular desde Ermelo pasando por:
- Capela Sra do Fojo (3.3 km)
- Miradouro Fisgas de Ermelo (4.4 km)
- Miradouro Cancela do Miradouro (5.7 km)
- Fonte Lavadouro (7.1 km)
- Piocas de Cima (8.8 km)
- Miradouro Alto Da Cabeça Grande (9.4 km)
- Miradouro Lomba do Bulhão (11.0 km)
- Igreja De Ermelo (13.6 km)
- Ponte Abelheira (14.9 km)
SINOPSE: Ruta polo val do río Ôlo, no corazón da Serra do Alvâo, entre Ermelo e Varzigueto no que destacan as paisaxes rurais e a fervenza das Fisgas de Ermelo, resultado dunha falla xeolóxica que creou un tramo de río accidentado, sinuoso e profundo con sucesivas fervenzas e pozos.



DESCRICIÓN DA RUTA: Como o autobús no pode entrar en Ermelo, comezamos a camiñada no cruce que hai nada máis pasar a ponte sobre o río Ôlo onde existe un parque de merendas.

Saímos do cruce seguindo a pista que indica Fisgas de Ermelo durante uns 200 m, lugar onde collemos un ramal que sae pola dereita que nos vai levar á ponte Abelheira logo de camiñar un quilómetro. Este tramo será o mesmo que percorramos á volta.

Cruzamos o río pola ponte de madeira para comezar a subida a Ermelo entre terras de cultivo en bancais. Entramos na aldea xunto a unha fonte onde collemos á esquerda por rúa empedrada entre paredes e casas de pedra. Axiña nos aparece un desvío á esquerda que collemos para baixar pola rúa do Lousedo.

Este camiño baixa cara á ponte pasando outra zona de terras en bancais atravesando un bosque de carballos e castiñeiros. Así chegamos á ponte da Ribeira da Fervença (325).

Cruzamos pola ponte de madeira e comezamos a subida nun tramo que temos unha corda para axudar na progresión. Un pouco máis arriba chegamos a un camiño máis ancho, con moita pedra solta, que sobe abruptamente monte arriba cara á aldea de Varzigueto polo cimbro que divide os dous vales, o da Ribeira da Fervença e o do río Ôlo.

Na cota dos 500 m temos o miradoiro de Lomba do Bulhâo, desde o cal pasamos a camiñar pola ladeira do río Ôlo. Seguimos subindo ata acadar o Alto da Cabeça Grande (670m) sendo neste tramo onde temos magníficas vistas das Fisgas do Ermelo.

O camiño vai achegándonos ao río para entrar en Varzigueto, aldea que cruzamos en toda a súa lonxitude para saír á estrada asfaltada. Aquí collemos á esquerda camiñando uns metros por ela ata atravesar o río por unha ponte, na que collemos un camiño á esquerda.

Esta pista pasa pola Cancela do Miradoiro onde temos un cartel informativo baixando logo ao aparcadoiro do miradoiro das Fisgas de Ermelo. Seguimos val abaixo, ben por carreiros ou camiños forestais. Podemos ver Ermelo máis abaixo pero, antes de chegar a el, o río fai uns meandros de grande fermosura. Nunha curva máis pechada, o río desvíase dunhas rochas para formar unha pequena fervenza que desemboca nunha lagoa moi fermosa, Pioças de Abaixo.

Logo de pasar un pequeno bosque de sobreiras, séguese por unha pista entre paredes de laxe, moi preto do río, é chegamos de novo á ponte de Abelheira, onde collemos o camiño de volta que fixemos na primeira parte do percorrido.



© Penatallada 2019