Lorca Mauriain Eskintza 2018-01-26
near Lorca, Navarra (España)
Viewed 389 times, downloaded 15 times
Trail photos
Itinerary description
Ibilaldia Lorkako San Salvador elizaren aldamenean dagoen aparkalekuan hasiera izango du.
Erromaniko garaiko herri eliza honek XII. mendearen bigarren erdialdekoa da. Nabe bakarrekoa da eta egun burualdean ikusgai dugu erromaniko garaiko aztarna gehienak. Erreparatu oraindik agerian diren ertzitako bi leihotxo eta teilatu azpiko eskulturak edo kanezilloak.
Eraikinak birmoldaketa anitzak izan zituen bai XVIII. mendean pilareak eta XX. mendeak goi koroa eta sarbide eta kanpai dorrea.
Lorkako herrian Garcia Remirez errege nafartarra hil zen 1150. urte inguruan. Hori zela eta bere semeak herrian ospitale bat eraiki izan zuen. Hauexek dira aurkitu diren berri historiko zaharrenak. XIX. mendearen bukaeran 148 bizilagun zituen: XIX mendearen erdialdean 1842. urtea baino lehenago eta Teodoro Ochoaren datuen arabera 217 bizilagun zituen, eskola bakarra 16 mutil eta 13 neskatoekin. Madozek aldiz hamarkada bat beranduago, 40 etxebizitzen informazioa ematen du eta eskolan 33 ikasle zirela dio. Errota baten informazioa ematen du eta pattarra egiteko fabrika bat dagoela ere dio.
Donajakue bidetik izango da gure aurren zatia. Herria karrika nagusitik zeharkatuko dugu, bertan zenbait etxe dotoreak ikusteko aukera emango digu. Aurreneko geldialdia herriko iturrian izango dut.
Geroago harraska bisitatuz.
Herria jarraituz errepide zaharrera eramango nau eta gerora autobidetik gertu doan bidexka batetik pista nagusi batera iritsi arte.
Bide eta pista zabal hau, Tauste Urbasa Andiarako erret abelbidea da. Hortaz hau jarraitzeko ezkerretik abiatu eta handik metro gutxi batzutara Donajakue bideari agur errango diot.
Abelbideak Maurian mendiko magaletatik gorat egiten du. Aurrerago bidegurutze bat izango dugu baina kasu honetan zuzen jarraitu beharko dugu.
Nonahi abelbidearen mugarriak ikusgai ditugu, zaharrak eta berriak ere.
Abelbideen inguruko informazioa ikusgai duzue esteka HONETAN. Garai bateko bide natural nagusienetarikoak izan zirenak eta berriz ere arautu egin direnak eta paseatzeko aukera ezin hobea eskaintzen dutenak dira.
1924. urtean garaiko Diputazioak ikerketa bat enkargatu zuen abelbieen egoera aztertzeko. Hona hemen gaur ezagutuko dudan tartetxoaren inguruko krokisak.
Aurreko honetan agerian da "hospital de sangre" deritzanetik gertu pasatzen dela, hots, Karlistaldiko liberalen ospitalearen erreferentzia zuzena.
GEHIAGO IRAKURTZEKO: http://mendikosterak.blogspot.com.es/2018/02/lorkatik-mauriain-eta-eskintza.html
Waypoints
ATE Pista
Pistak puntu honetan bihurgune bat du. Bertan utziko dugu pista nagusia eta atearen gibeletik hasten den pistatik Lorka aldeko magalera pasako gara.
BEHATOKI
Abelbidearen aldamenean eta Maurian menditik gertu Lizarraldeko ikuspegiak eskaintzen dizkigun behatokia da.
ESKINTZA aterpea
San Cristobal baseliza edo basilikari atxikituta dagoen aterpea da.
ESKINTZA edo Cristobal deuna
Eskintza mendiko gailur nagusia. Bdrtan erpin geodesikoa dago kokatua. Ikuspegi galantak eskaintzen dituen gunea. Gertu Cristobal Deunaren basilika eta askaltoki bat dago.
Gurutzebide 01Zuzen
Donajakue bidea bertan utzi beharko dugu. Zuzen gorat doan abelbidetik jarraitu behar da.
Gurutzebide 02 Zuzen
Abelbideak gora doa eta puntu honetan bertze pista bat ezker aldera doa. Abelbidea zuzen jarraitzen du.
Gurutzebide 03Eskuin
Pista nagusia bertan utzi eta zuzen harriz prestaturiko abelbidearen zati honetatik gora jarraitu beharra dago.
Gurutzebide 04 Eskuin
Mauriain mendira igotzeko, eskuinetik atera beharra dugu abelbidea utziz.
Gurutzebide 05 Zuz
Askaltokitik eta Maurian tontorretik berriz ere abelbidera jaisteko, aldapatsua den pasarte honetatik egin behar dugu.
Gurutzebide 06 Eskuin
PRa bertan utziko dugu. Lorkara PRtik bide laburragotik jaisteko aukera eskaintzen du. Baina Eskintza mendira igotzeko abelbidea zuzen jarraitu behar da.
Gurutzebide 07 Eskuin
Abelbidea eskuinetik jarraitzen du. Gaurkoan gorago dagoen leporaino abelbidetik segitu beharra dago.
Gurutzebide 09 Eskuin
Pista nagusira, denabatekora atera eta eskuinetik beherat
Gurutzebide 10 Eskuin
Errekatxoaren gainetik igaro eta eskuineko beherako norantzako pista segi.
Gurutzebide 08 Eskuin
Metalezko atea igaro eta metro gutxi aurrerago eskuinetik beherat doan pistara pasako gara. Zuzen jarraitzekotan ere iristerik bada beheko pista nagusira.
Gurutzebide 11
Zuzen jarraituz PRtik Donajakue bidera ateratzeko. Hala ere eskuinetik herrira iristerik bada.
HESI zeharkalekua
Eskintza mendira iristeko eta ereindutako eremuak erditik gurutzatu eta gero hesiarekin topo egiten dugu, apur bat aurrerago, eskuinetik jarraituz hesia gainditzeko eskala bada.
HESIa
Beherako pista edo bide honen erdi aldera hesi batekin topatuko dugu. Eskuinandetik igarotzerik dago.
MAURIAN
Maurian mendia. Bertan gurutze erraldoia eta askaltoki ederra topatuko ditugu.
MAURIN AINTZIRA
Aintzira txikia izan arren arras garrantzitsua da bertako faunarako.
San Salvador
Lorka herriko eliza. Jatorriz erromanikoa baina moldaketa historiko ezberdinak dituena.
TONTOR Karlistaldiko ospitalea
Asturiasko Printze gotorlekua azken karlistaldian ospitale gisa erabili izan zuten.
You can add a comment or review this trail
Comments