Intza-Arruta-Gurutzeaga-Asteasu-Intza
near Intza, Navarra (España)
Viewed 40 times, downloaded 6 times
Trail photos
Itinerary description
Intzatik Kurutzeagako puntara egingo dugu ibilbidea, garai batean Intzako artzaiek erabiltzen zuten Arrutako bidetik.
Aipatu behar da neguan giro lehorrarekin Edo udaberri hasieran egitea komeni dela, uda hasieran Artzoingo muñoan illastordi (garoa) izugarri handia dagoela eta Asteasuko zelaietan belarra ere fundamentuzkoa dela.
Intzako Auntzin auzotik Santa Cruz ermita aldera joango gara eta Telleriatik eta Domingoneko borda eta Urrutiko bordak igaro ondoren basoan sartuko gara Legartza errekara iritsi arte. Erreka gurutzatu eta pixkanaka igotzen joango gara Artzoingo muñora iritsi arte.
Malloari begira jarri eta zuzen zuzen joko dugu basoan sartuz. Bertan hitoak topatu beharko ditugu ( bi gutxienez) bidea jarraitzeko, ez bait da oso nabaria. Belardi batetara iristean (Muxartokiko aldapa) berriro ere zuzen eta pixka bat eskuinetara eginez ondoren, Axurteko arratean egongo gara bertatik Asteasuko zelaietara igaroz.
Arrutako lepoa Parez pare izango dugu baina guk ezkerretik igo beharko dugu, lehenik Asteasuko bizkarrera igoz. Basoan sartuta bideak eskuinetara egiten du (nahiz eta oso nabaria ez izan). Kurutzeagaren azpian gaude eta malkor batzuen bueltan doa bidea eta konturatzerako Arrutan egongo gara bere harrizko harresiarekin. Ezkerretara biratu eta berehala Kurutzeagan gaude.
Jeitsiera zertxobait konplikatua izan da. Gure asmoa Itturtxuloko puntaren azpitik Illobira joatea zen eta handik behera egin Idibidera iritsi arte. Itturtxuloko puntaren azpitik doan txendaz topatu eta aurrera egiten hasi baina bestaldera motzagoa izango zelakoan buelta hartu dugu. Okerreko erabakia, nahiko gaizki ibili gara. Zentzuzkoena aurreko asmoa egitea da.
Behin Idibidera iritsita Asteasurantz joan gara eta Zotzillunera doan txenda hartu. Hemen ere beste alternatiba bat egitea erabaki dugu Zotzilluneko buelta osoa eman ordez. Asteasura zuzenean igotzeko eskailera batzuk egin zituzten malkorrean eta hortik jeitsi gara berehala Antzustelako lepoan jarriz.
Hemendik aurrera, bideak Artzoingo muñora eramango gaitu berriro eta itzulerako bide hori, igoerakoaren berdina izango da
Aipatu behar da neguan giro lehorrarekin Edo udaberri hasieran egitea komeni dela, uda hasieran Artzoingo muñoan illastordi (garoa) izugarri handia dagoela eta Asteasuko zelaietan belarra ere fundamentuzkoa dela.
Intzako Auntzin auzotik Santa Cruz ermita aldera joango gara eta Telleriatik eta Domingoneko borda eta Urrutiko bordak igaro ondoren basoan sartuko gara Legartza errekara iritsi arte. Erreka gurutzatu eta pixkanaka igotzen joango gara Artzoingo muñora iritsi arte.
Malloari begira jarri eta zuzen zuzen joko dugu basoan sartuz. Bertan hitoak topatu beharko ditugu ( bi gutxienez) bidea jarraitzeko, ez bait da oso nabaria. Belardi batetara iristean (Muxartokiko aldapa) berriro ere zuzen eta pixka bat eskuinetara eginez ondoren, Axurteko arratean egongo gara bertatik Asteasuko zelaietara igaroz.
Arrutako lepoa Parez pare izango dugu baina guk ezkerretik igo beharko dugu, lehenik Asteasuko bizkarrera igoz. Basoan sartuta bideak eskuinetara egiten du (nahiz eta oso nabaria ez izan). Kurutzeagaren azpian gaude eta malkor batzuen bueltan doa bidea eta konturatzerako Arrutan egongo gara bere harrizko harresiarekin. Ezkerretara biratu eta berehala Kurutzeagan gaude.
Jeitsiera zertxobait konplikatua izan da. Gure asmoa Itturtxuloko puntaren azpitik Illobira joatea zen eta handik behera egin Idibidera iritsi arte. Itturtxuloko puntaren azpitik doan txendaz topatu eta aurrera egiten hasi baina bestaldera motzagoa izango zelakoan buelta hartu dugu. Okerreko erabakia, nahiko gaizki ibili gara. Zentzuzkoena aurreko asmoa egitea da.
Behin Idibidera iritsita Asteasurantz joan gara eta Zotzillunera doan txenda hartu. Hemen ere beste alternatiba bat egitea erabaki dugu Zotzilluneko buelta osoa eman ordez. Asteasura zuzenean igotzeko eskailera batzuk egin zituzten malkorrean eta hortik jeitsi gara berehala Antzustelako lepoan jarriz.
Hemendik aurrera, bideak Artzoingo muñora eramango gaitu berriro eta itzulerako bide hori, igoerakoaren berdina izango da
Waypoints
You can add a comment or review this trail
Comments