Ikaztegieta-Intxurre, Mallotza errekako arroari bira

Intxurre mendia eta Aldaba auzoaren inguruan bideak arakatzen egindako Ibilbide zirkularra: Ikaztegieta-Ugaran barrena-Arizmendi baserria-Mareaga-Intxurre (Iruntxur)-Lopetegi baserria-Mallotza erreka-Ugaran barrena-Ikaztegieta.

Mallotza errekak Intxurre mendiaren hegoaldeko isurialdean dauzka iturburuak non Ullanga, Lasarte, Zepota erreka eta Leizalde dira emaile nagusienak. Aldaba auzoaren azpian elkartzen dira ubide bat eginez: Mallotza erreka da. Ubidea iztutu eta sakondu egiten da behera doan heinean urak Ugarane errekara isuri arte. Ugarane erreka berriz Oriako ibaiadar txiki bat da.

Erreka honen arroa eremu txikikoa da. Iparraldean Intxurre eta Mareaga mendien arteko gandorrak daude, Albizturrekin muga eginez. Lopetegi baserriaren inguruan dauka mendebaleko isurialdea eta Mareagan ekialdekoa. Erdian belardi, baratz eta sagasti artean Aldaba auzoko baserriak daude, eliza, frontoia..bista ederrekin.

Ibilbidean zehar pinudi eta bestelako basoetatik igaro behar bada ere leku airoso badaude. Lopetegitik gorantz Intxurreko kaxko arte behi larre aldapatsuak baino zabalak daude, Tolosaldea, Aralar, Goierri, Aizkorri eta beste mendien panoramika dotoreak eskeiniz. Mareagako soroak ere irekiak dira, haritz eta urki ederrak banatzen dira han hemenka paisai erakargarria bihurtuz.

Txango hau Intxurre, Mareaga eta Aldaba auzoa bide ezberdinetatik ikustatzeko beste aukera ematen du. Jarraitzeko zailtasunik ez dago eta orokorrean bide garbiak dira. Biderik gabe eta mendian zehar ere tarte bat edo bestea badago.

Oharra: Mallotza errekako ubidea bi aldiz zeharkatu behar da. Normalean harriz harri pasatzen erraza bada ere euriz gaindituta baldin badago zailtasunak aurki ditzake zeharkatzeko unean.