Goierri Ezagutuz: Ataungo bideak, auzoak eta mendiak

Ibilbide zirkularra: San Martin-Agaramunda-Mugarrikogaina-Iberondo-Franziskoenea-Iberondotxulo-Muñoa-Ergoiena auzoa-San Gregorio-San Martin.

Ataun eremu zabaleko herria da. Zati haundi bat Aralar Parke Naturalaren barruan dago eta Lizarrustiko Parke Etxean dauka sarbide nagusietako bat. Antzitatik Gipuzkoa eta Nafarroaren arteko igarobidea da. Natura, ondare arkeolojigoa, artzai kultura eta mitologia batzen dira hemen. Aberastasun hau ezagutzera eman nahi dute ataundarrek. Balizatutako ibilbide sare bat garatu dute eta urtean zehar ekitaldi ezberdinak antolatzen dira.

Txango hau osatzeko markatutako bide horietako batzuk baliatzen dira. Seinalik gabekoak eta mendian zehar tarte batzuk ere badaude.

Ataun San Martinetik Arratondo auzo aldera errepideko espaloiatik hurbilduko gera. Urkillagako errepidea zapaldu eta 50 m. aurrerago, eskubirantz, eskailera batzuetatik gora basoan satuko gera. PR-Gi5 bidea da, balizatutakoa, GR20 bidearekin batera Urkillaga mendatera doana. Zuhaitz mota ezberdineko baso eder batetik 1.5 km. igaro ondoren bidegurutze batera iritsiko gera. Ur biltegi txiki bat eta norabideen zutabea daude. PRa eta GRa banatu egiten dira Otadimuñoko isuri bakoitzatik atzean utzi arte. PR-Gi5 (marra berde eta zuriak) Artetako baserriko errepidea gurutzatu eta bide zidor sastrakatsu batetik gorantz joan behar da, Otasoro muinoaren magaletik. Sasia eta otea saiesteko bide ondoan dagoen pinuditikk joateko aukera dago tarte batean. Ataka iztu bat pasa eta zabalgune batetik igaro ondoren basoan sartuko gera berriz Mendiurkullu baserrira iritsi arte. 200 m. aurrerago eskubitik utziko dugu balizatutako bidea Agaramunda mendi kaskora igotzeko. Bista ederrekin gozatu ondoren Agaramunda lepora jetsiko gera Mugarrikogainaren tontorrera igotzeko gerora. Baso arteko kaxko sasitxua da. Pinuditik behera jetsiko gera Iberondo baserrira joateko. Mendi pista eta otearen arteko bidexurre da, tartean ere bi alanbre-hesiak pasatu beharrekoa. Zati hau saiestea badago gertu dagoen Urkillaga mendatera jetsi ezkero. Iberondo baserritik Franziskoenea baserrira. Langa bat pasa eta belardi txiki bat dago, ondoren bide zidor batetik, mendia zeharkatuz, Muñoaren ekialdeko aldapa garbiagoetara urbilduko gera. Bidea ezkerretik utzi eta 300 m. gorago Muñoaren tontor airoso eta arrokatsua zapalduko dugu. Aia auzoko baserriak eta Ataungo mendi basotsu eta pagadi ederreen ikusleku aparta da tontor xume hau. Bira bat eginez itzuliko gera Muñoaren gorantzko bidea hasi geran lekura. Alanbre-hesi bat pasa eta belardi batetik behera Iberondotxulo baserrira iritsiko gera. Baserria atzean utzita San Gregoriotik Lizarragara doan errepidera jetsiko gera. Ergoiena auzora 400 m.
joango gera errepidez, ezkerretik zubia pasa eta sagardotegiko etxeen artean Sara Ibilbide ederrari hasiera emango diogu, Agauntza erreka ibilguaren ondotik San Gregoriora aurrena eta San Martinera gero eramango gaituena.

PD: Orokorrean bide garbiak diren arren tramo batzuk mantenu lanaren faltan daude eta sasitza nagusitzen ari da. Sara Ibilbidean ez ezik hamaika langa eta ataka ere zeharkatu behar dira.