Forua (Gernika) - Mundaka. Axbiribil, Atxapunta, Katillotxu, Betrokolo

Ibilbideak, Euskal Herriko 100 mendi zerrendetako bi kateatzen ditu: Axbiribil eta Katillotxu.
Ibilbidea Forua herritik hasten da; hasieran, Mundaka aldera doan errepidea bezala jarraitu ete goian, errepidea gurutzatu (semaforoa). Baserri maitea izeneko jatetxe aldamenetik pasa eta hemendik aurrera zati batean ataka pare bat pasa eta bideak ezkerrera egiten duenean, beste hesi batera helduko gara; hemen, hesia pasa gabe eta eskuinera utziz, gorantz fuerte igotzen den xenda hartuko dugu; gorago puntu gorriak ere azalduko dira eta zenbat eta gorago, ugariago. Beharrezkoak dira eremu karstiko honetan. Axbiribil (356m; 1h).
Bidegurutzera jaitsi. Hemendik jarraitu beherantz fuerte egiten duen xenda: ibilaldiko lehen jaitsiera; lehendabizi lepora aterako gara; hemen pista gurutzaketak. Eskuinera doan pista hartu eta zokora heltzean bidea eta erreka ere badena jarraitu. Aurrerago pista eta bide garbiagoak topatuko ditugu eta Apraiz izeneko baserrietara aterako gara. Ondoren Altamira-San Cristobal auzoa. Hemen PRa hartu. San Bartolome baselizaren aurretik pasa eta berehala harrobia: hemen PRa momentu batez utzi eta ezkerrera igo gaitezke Atxapunta egiteko. Hau da puntarik zailena, ia igoera dena bide hestua izanik ere ongi egiten da, baina goialdean oso karstikoa, harritsua eta bidea ez da batere garbia. Kontuz bustia dagoenean. Atxapunta (197m; 3h 10min- 3h 20min bigarrenera). Berriro PR-ra itzuli bide berdinetik.
Axpera iritsi (Busturia). Eliza eskuinera utziz, Axpeko errekara iritsiko gara eta zubitik pasa. Arrastoak errekari jarraitzen dio, hasieran erreka ezkerrean dugula; gorago erreka gurutzatu behar da (euria egiten duenean zailtasunak egon daitezke). Mendebaldera fuerte igoko gara, ia goiko errepidera atera arte. Ez badugu arazorik nahi, behean, zubia pasa eta ondoren, ezkerrera hartzeko puntuan, eskuinera har daiteke eta goiko errepidera, hormigoizko pistaz igota atera.
Goian GR markak aurkituko ditugu; hauek jarraituz, Katillotxu (337m; 4h 55min). Aurrera jarraituz (GR eta PR), Arrastoa, Betrokolo (171m; 5h 50min) gainetik pasa eta Bermeo aldera bira haundi bat eginez, Mundakara doa. Azken mendi hau eta bira ere ekidin daitezke, eskuinera zuzen, Mundakara doazen pistaren bat hartuta.