Ezkabako ihesaldia 01 2017-09-24
near Artika, Navarra (España)
Viewed 537 times, downloaded 17 times
Trail photos
Itinerary description
Ezkaba mendiko Alfontso XII. gotorlekutik 1938. urteko maiatzaren 22ko ihesaldia, Espainiako historia garaikidean izandako nagusiena izan zen. Errepublikar talde txiki batek antolaturik, presondegiko ateak zabaltzea lortu zuten. 795 preso inguru ospa egitea erabaki zuen, askoz gehiago, indar falta, Iruñatik igotzen ziren ibilgailuen argiak ikusita eta bereziki ezjakintasunagatik bertan gelditzea erabaki zuten. Lekukoek kontatu izan diguten moduan, goseak akabatuak zituen eta indarrik gabe, lurralde ezezagun batetik abiatzea askatasunaren aukera burutik baztertzera eraman zituen, Ernesto Carratarak zioen moduan, hala ere atea gainditzeak itxaropenez bete zituen presondegi barnean zeuden errepublikar asko eta askori.
Ihesaldiaren inguruko Fermin Ezkietaren liburu berriak datu andana biltzen ditu. Esteka honetan informazioa irakurgai duzue.
Iñaki Alforjaren filmean gertakaria ezagutzeko beta dago ere. Esteka honetan ikusgai.
Edo eta blog honetako bertze sarrera batean. Ihesaldiaren omenaldiaren ingurukoan, zenbait argazki ere ikusterik dituzue. Edo bertze blogeko sarrera honetan, barneko argazki eta botilen hilerriko ehorzketa batzuren argazkiekin.
Ibilbidea Artikako herrian hastea erabaki dut. Bertan Iruñerriko GRaren panelak eta señaletika zaharra ere topatuko dugu.
Garai bateko igoera zuzena egitea erabakitzen dut. Beraz kontuz izan Ezkaba parke berrian ibilbide asko sortu izan dituztelako urte honetan.
Bide zuzen honek bitan zeharkatu egiten du errepidea.
Eta gorago berriz ere
Errepide aldamenetik pasako da berriz ere, bertan oriogarri bat ikusgai dugularik.
Handik gotorlekura ez da asko geldituko.
GR225 honen hasiera presondegi edo gotorleku atean berean hasi egiten da. Hortaz aurrekoa beroketa bat bertzerik ez da izan.
Ate nagusitik atera eta ezkerreko aldetik gotorlekuari itxulia eman beharko diogu.
Puntu altuenera iritsi eta ikuspegiak galantak ditugu.
Kanpoko babes-hobiari buelta eman beharko diogu, beti ere gotorlekua (kanpotik ez da ikusten benetako tamaina zein den) ezker aldetik ibiliko dugularik.
Aurrerago gotorleku berrira iritsiko gara eta kanpo aldetik ere jarraituz mendiko tontorraren bertze aldera iritsiko gara, bertze magaletik jaisteko.
Hasierako jaitsiera Berriosuso aldetik dagoen ertzera iritsi arte.
Apur bat aurrerago bidegurutze bat dugu, zutoin batek adierazten digu gure martxaren eskuin aldera joan beharko dugula.
Pista zabal batetik abiatuko gara, bertze iparraldeko magala zeharkatzeko.
Bertze bidegurutze bat ezkerretik hartutik, Garrues herrira iristeko.
GEHIAGO IRAKURTZEKO: http://mendikosterak.blogspot.com.es/2017/10/ezkabako-ihesaldia-gr-225-bat.html
Waypoints
Alfontso XII gotorlekua
Gotorlekua 1934. urteko iraultzaren ondoren presondegian bilakatu zena eta errepublikar presoek bertan pairaturiko egoera tamalgarriak 1938. urteko ihesaldira eraman zituen
ataka
Nagizeko baserritik mendatera igo eta gero bertze isurialdean topatuko dugun aurreneko ataka edo metalezko atea.
ataka 05
Bertze bat
Ataka 06
Pistako bertze ate bat
Ataka 07
Bidegurutze 02 eskuin
Eskuineko pistatik jaitsi eta ertza utzi. Zotoin bat dago
bidegurutze 03 ezker
Ezkerreko pista hartu. Bertzela zuzen jarraitzekotan Iruñerrira jaitsiko ginen
bidegurutze 04 eskuin
Orrio herria pasata. Eskuinetik gorat doan pista zabaletik. Ez igaro errekatxoa
bidegurutze 05 ezker
Nagizeko baserritik igo eta mendatearen bertze aldera ezkerreko pista hartu behar da jaisteko.
bidegurutze 06 eskuin
Gurutzatu egiten den pista hobeagotik, ezkerretik beherat egin.
bidegurutze 08 ezker
Ibaiaren ertzetik ezkerretara igo. Eskuin aldetik Sorauren herrira
bidegurutze 09 ezker
Ezkerrera gora. Bertzela borda batean bukatuko dugu.
Bidegurutze 10 ezker
Olabe herritik aterako gara jauregi bat dagoen puntutik. Han ezkerreko pista hartu.
Bidegurutze 11 eskuin
Kontuz hemen. Pista utzi eta eskuinetik abiatzen den bidexkatik igo beharra dago eta.
Bidegurutze 15 eskuin
San Salbador baselizatik apur bat aurrerago eskuinetik jaitsi
Bidegurutze 16 ezker
Bidegurutze 17 eskuin
You can add a comment or review this trail
Comments