Etxauriko Haitzak (Sarbil) eta Esparatz. Ziritza herritik zirkularra

Ziritza herrian hasi eta ibilbide zirkularra honek, Euskal Herriko 100 mendien zerrendetako bi lotzen ditu: Sarbil eta Esparatz. Herritik, iparraldera hartuko dugu, frontoia ezkerrera utziz. Hasieran pista eta gorago, bidezidorra. NA-700 errepidea gurutzatu eta bidezidorrak aurreko paretetara inguratuko gaitu. Behin paretara heltzean, adi egon bide egokia hartzeko, ze erraza da ez ikustea hartu beharrekoa: ekialdera doa baina goraka! Behin gainera aterata, ezkerrera bira behar da; pintura berdez egindako markak jarraituz gailurreraino eramango gaituztenak Etxauriko Haitzak (Sarbil) (1.138m; 1h 40min).
Bidexka jarraitu; orain marka berderik gabe, baina ongi zanpatua eta apatxetaz lagundua. Aurrerago ezkerrera bira bat egin eta GR-ra aterako gara. GR-an joango gara piska batean, El Txaparral lepora iritsi arte. Bideak, zati bat ia berdinean egin ondoren, bat batean, behera hasten da eta oso aldapa tentea da!
Santa Luzia baseliza pasa eta hurrengoa Virgen de la O izenekoa pasako dugu; gainez-gain doan GRa jarraituz, berriz errepidearekin topo egingo dugu; gurutzatu eta bide luze bat eginda, El txaparral izeneko lepora aterako gara; lepoa, pisten gurutzaketak. Hemen, Esparatz-era pintura berdez markatuta dagoen bidea jarraitu (1km). Gero hona itzuliko gara berriro, GR-an jarraitzeko. Esparatz, (1025m; 4h 10min).
Behin lepora berriro jaitsita, GR-a hartu, ekialdera jaitsiko gaituena. GR-a Belaskoain herrira doa; guk frontez, “gertu” ikusten dugunean, GR-a utzi eta ezkerrera doan bidexka hartuko dugu; hasieran piska bat jaisten bada ere, gero, zati haundi batean ia altuera galdu gabe joango gara. San Miguel iturria pasa ondoren, gerezi arbola ugariren arten pasa eta Bidaurreta herrira ailegatuko gara; herria, ezkerrera utzita, pista zabalean eta zekale sailen artetik pasata ailegatuko gara helmugara.