Donibane Garazi - Orreaga 2018-07-28
near Saint-Jean-Pied-de-Port, Nouvelle-Aquitaine (France)
Viewed 1107 times, downloaded 24 times
Trail photos
Itinerary description
Gaurko eguraldia nahiko kaskarra izan da, hasieratik euria eta makurrena, lainoaz inguraturik ibili behar izan dugula ia ia Orreagara iritsi arte. Hortaz ezin izan dugu goxatu ibilaldi honek eskaintzen dituen ikuspegi eta paisai ederretaz.
Ibilbidea eta profila.
Gaurkoan autobusak Donibane Garaziko gotorleku azpiko aparkalekura eraman gaitu, harresiaren aurreko puntura. Bertan aterkia eta anorak eta kapak paratu behar izan ditugu eguraldiari aurre egiteko.
Donibane Garazira harresiko atetik sartuko gara eta ondoren rue de la Citadelletik beherat ibiliko gara.
Donibane Garaziko elizaren ataritik pasako gara.
Eta erlojuko dorrearen azpitik Nivé de Béhérobide ibaiaren gaineko zubira gerturatuko gara argazki baten bat egiteko.
Karrikatik gorat egingo dugu, harresiarekin berriz elkartu arte, hauxe izango da Donibane Garazi agurtzeko puntua.
Hemendik aurrera aldapak hasiko dira, eta ez dira bukatuko Lepoederreraino, eta benetan luzeak eta batzuk malkartsuak izango direla.
Errepidetik zuzen jarraituko dugu.
Lainoak paisaiza goxatzeko betarik ez digu emango, eta akaso horregatik gure martxa behar baino azkarragoa izango da, kontutan izanda ibilaldiaren luzera eta igo beharreko metro kopurua.
Aurreneko bidegurutzea zuzen gaindituko dugu. Bidea ordea oso ongi margoturik eta izendaturik dagoenez ez dago galtzeko aukera gehiegirik.
Asfaltotik gora jarraituko dugu. Aurrerago bertze bide gurutze batzuk ere izango ditugu.
Bertze aldapa gogor eta bidegurutze batzuren ondoren, ibilbidarekin jarraituko dugu.
taberna batetara iritsi arte. Bertan taldea elkartuko da, martxarekin jarraitzeko.
Apur bat gorago errepidea utziko dugu gure ezkerretik, aldapa gogor batzuk pista batetatik gainditzeko.
Hala ere aurrerago berriz ere errepidearekin topo egingo dugu.
Gorago iturri bat topatuko dugu eta izerditan blai gaudenez edateko aukera ezin hobea dugu.
Bertze aldapen ostean, azkenean Orisson aterpera iritsiko gara. Bertan indarrak berreskuratuko ditugu zerbait jaten eta kanpoan dagoen iturritik ura edaten. Hala ere euria eta lainoak tinko eusten diote eta ez digute tarterik emango.
Aldapan gora jarraituko dugu eta daramagun erritmo bizkorrarekin erromesak aurreatzen jarraituko dugu.
GEHIAGO IRAKURTZEKO: http://mendikosterak.blogspot.com/2018/08/donibane-garazi-orreaga-donajakue-bidea.html
Waypoints
Donibane Garazi hasiera
Ibilbidearen hasiera Citadella azpiko aparkalekuan izan dugu. Harresitik kanpoko aparkalekuan.
Donibaneko harresi atea 02
Donibanetik irteteko berriz harresia gainditu beharko dugu puntu honetan.
edari makina
Puntu honetan edari makinatxo bat daukagu.
gurutzebidea 01 eskuin
Errepidetik igotzen jarraitu eta aurreneko bidegurutzean eskuinetik segi.
gurutzebidea 05 ezker
Ezkerreko aldetik errepidea utzi eta pista batetara pasa. Aldapa gogorrak izango ditugu baina laburbide bat da.
gurutzebidea 06 errepidea
Berriz ere errepidera atera eta zuzen igotzen jarraitu
gurutzebidea 09 Zuzen Arnegikoa
Zuzen igotzen segi. Bertara iristen da Arnegitik igotzen den errepidea.
gurutzebidea 11 eskuin
Errepidea puntu honetan utziko dugu eta eskuinetik abiatzen den pistara pasako gara.
gurutzebidea 12 eskuin
Bentarteko mendi lepoan bidegurutzea dugu. Guk eskuinetik jarraitu beharko dugu.
gurutzebidea 14 ezker
Bidegurutze honetan ezkerretik zuzenean Orreagara jaisteko aukera dago.
gurutzebidea 15 eskuin
Bidegurutze honetan eskuinetik segi pistara hurbiltzeko
gurutzebidea 16 eskuin
Nabalatik datorren pistara irten eta eskuinetik Orreagara gerturatuko gara.
ORISSON ATERPEA
Orisson aterpea. Gune estrategikoan kokatua. Aldapa gogor batzuren ostean. Kanpoko aldean iturri bat ere badu.
You can add a comment or review this trail
Comments