Circular de Piloñeta a Peñamayor

La Era (Piloñeta) - La H.uente (Piloñeta) - Molín de Pra - Pista Les Praeres - Camín de Vocarral - Esvíu a mandrecha – El Pozacu - Pindiu camín a Les Cantarielles na pista Les Praeres (Mui usáu polos aficionaos a les baxades en bicicleta) Antes de la pista a Les Praeres pasamos per un cabaña con un recién iguáu camín que sal a Les Alcantarielles ( La Foguerá) - Porciles - Revuelta'l Raposín - Los Llanos - Canal al picu más occidental y más baxu de La Varallonga – La Varallonga – Les Praeres – Ortigosa – Espines – Esvíu mandrecha – Braniella – Peñamayor – Les Antenes – Baxada al colláu la Campa o Melendreros - Xerrina Oroxu - Canalización de Los Arrudos – Los Foyos – Pista L’Artosa – La Linariega – La Pría – Campanal – Ponte La Cardosa – Grátila – Cauvilla - Piloñeta.

De Braniella a Peñamayor (Buzón botella sidra) nun fixi'l camín más habitual y curtiu. L'escesu confianza na mio conocencia del terrenu y l'abondante borrina fixeren qu'arrodiase daqué esviándome un poquiñín al sur. Dende ehí pel camín que más veces suelo facer viniendo del Texíu o subiendo dende l'este (El Covayu) o del oeste (Campagüés) yá nun tuvi nengún problema si ye que'l pequeñu arrodiu pue considerase asina.
Por supuestu, anque llevaba el GPS, nun llevaba el track. Sobrevalorando los mios conocimientos d'esti monte nunca lu llevo y esi nun ye buen conseyu. ¡La borrina nun suel ser bona compañera!
Si nun tenemos en cuenta esti pequeñu trestornu ye un paséu fácil y perguapu.

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.