Capela de San Vicente - Monte Torroso - Castro do Pico da Bandeira
near O Rosal, Galicia (España)
Viewed 348 times, downloaded 20 times
Trail photos
Itinerary description
Esta ruta circular percorre algúns dos enclaves máis singulares da zona costeira do Rosal. Ten o seu inicio a carón da capela de San Vicente de Marzán e vai percorrendo os montes do Rosal cara ao concello da Guarda, deixando o Océano Atlántico á dereita e coa desembocadura do río Miño ao fronte.
Ficha técnica
Lonxitude aproximada: 11'3 km
Percorrido: circular
Dificultade: moderada
Duración aproximada: 3 horas
Punto de partida: Sepulcros de Marzán
Descrición da ruta
O percorrido iníciase nunha zona de aparcadoiro a escasos metros dos sepulcros de Marzán, unhas sepulturas cristiás dos séculos IV-V escavadas na rocha que poden verse desde a estrada.
Esta ruta ascende ata chegar ao Alto da Cruz da Portela, lugar no que comeza o seu avance cara á desembocadura do río Miño, permitindo desfrutar das fermosas vistas que ofrecen os cumios do Rosal sobre o Océano Atlántico. O punto máis alto da ruta acádase ao chegar ao alto do Monte Torroso, un sitio desde o cal poder observar o porto da Guarda, o Monte Tecla ou as cetáreas da costa guardesa.
Xa no percorrido de descenso, a ruta pasa a carón do castro e petróglifos do Pico da Bandeira, un castro de grandes dimensións, con foso e parpetos, desde o que controlar o esteiro do río Miño.
Ten en conta
- Esta ruta está sen sinalizar.
- O sendeiro transcorre por un terreo pedrento polo que é moi recomendable o emprego de calzado axeitado.
- Lembra levar o teu lixo de volta contigo.
Waypoints
Aparcadoiro
Zona de aparcadoiro próxima aos sepulcros antropomorfos de Marzán.
Sepulcros antropomorfos de Marzán
O inicio da ruta ten lugar a carón de dous sepulcros antropomorfos (con forma humana) de época visigótica situados a escasos metros da capela de San Vicente, en Marzán.
Trátase dunhas sepulturas cristiás dos séculos IV-V escavadas na rocha. Unha delas é de tamaño lixeiramente inferior á outra. Probablemente pertenceron a un matrimonio.
Capela de San Vicente de Marzán
Esta capela sufriu numerosas reformas ao longo da súa historia, pero a cruz na cúspide do seu tellado e os sillares reutilizados nas súas paredes, así como a ara romana localizada nela e os sepulcros próximos, fan pensar que se trata dunha igrexa moi antiga, posiblemente anterior ao século X.
A Igrexa de Marzán dependía do Mosteiro de Oia. A ara romana está adicada a Mercurio e consérvase no Museo Diocesano de Tui coa seguinte inscrición: “DEO/MER(curio)//FRO(nto)/EX V(oto) P(osuit)”
Muíños de Marzán
Conxunto de muíños de canle, propiedade dos veciños de Marzán. O muíño da imaxe segue empregándose na actualidade para moer.
Área recreativa A Cruz da Portela
Na zona da Cruz da Portela ábrese un espazo de lecer arborado con bancos e mesas de pedra e cunha zona de miradoiro a modo de balcón ao Atlántico no que se sitúa unha cruz feita en pedra. Desde este punto pódese observar a rochosa e rectilínea franxa costeira do Rosal.
A Cruz da Portela é un punto privilexiado para contemplar o solpor. Un lugar onde sentir a brisa do mar e escoitar o son da ondada mentres o sol se somerxe no Atlántico.
Esculturas do monte Torroso
Adentrándose entre o toxo, por detrás das rochas que se observan desde o camiño, hai unhas figuras de animais gravadas nas rochas.
Vistas ao Atlántico
Ao longo de todo o primeiro tramo do percorrido poderemos ir disfrutando das fermosas vistas que vai ofrecendo a costa do Rosal sobre o Océano Atlántico. Todos estes puntos son lugares fermosos desde os cales poder desfrutar dun bonito solpor.
Alto do Monte Torroso
Desde o alto do monte Torroso pódese disfrutar das vistas que hai sobre o río e o mar. É un punto desde o cal se pode observar o porto da Guarda, o monte Trega ou as cetáreas que hai ao longo da costa.
Castro do Pico da Bandeira
O Castro do Pico da Bandeira é un castro de grandes dimensións, con foso e parpetos, desde o que controlar o esteiro do río Miño. A maior parte deste castro atópase en terreos da comunidade de montes de Salcidos e unha parte máis pequena, en terreo da comunidade de montes do Rosal. Este punto ofrece unhas vistas moi fermosas sobre o monte Trega e as ínsuas do río Miño.
Comments (2)
You can add a comment or review this trail
Perfecta,muy buenas vistas.
I have followed this trail verified View more
Information
Easy to follow
Scenery
Moderate
Perfecta,muy buenas vistas.