Buzmadhe-Kroi i Bardhe-liqeni Kallabakut-Guri i Mengjesit (Shishtavec)

Niveli vështirësisë: Mesatar.

Itinerari: Rrugë auto Kukës-Lusen (e asfaltuar 25.9 km 39 min), Lusen-Buzmadhe (rrugë me çakull e kalueshme me fuoristradë 10 km, 40 min).

Shtegu këmbësor (vajtje) Buzmadhe-Kroi i bardhë-Liqeni Kallabakut-Guri i Mëngjesit 21.4 km (4 orë e 20 minuta) këshillohet të bëhet vetëm vajtje dhe kthimi të bëhet 1 ditë më mbrapa për shkak të gjatësisë së saj.Ky shteg shtrihet brenda parkut natyror Korab-Koritnik.

Përshkrimi: Shtegu kalon në skaj të pyjeve të ahut mbi Buzmadhe, kullotave alpine nga Kroi i Bardhë 1779 m mbi nivelin e detit, në mes pyjeve të ahut dhe monumentit të natyrës “Mështekna e Shishtavecit”, vazhdon më tej në pjesën panoramike liqeni i Novosejt futet në pyjet e Ahut të Shishtavecit në lartësinë 1451 m dhe vazhdon përseri në kullotat alpine deri tek Guri i Mëngjesit në lartësinë 1947 m mbi nivelin e detit.

Koha e rekomandur e frekuentimit: Periudha e verës,por mund të frekuentohet edhe në periudha të tjera kur nuk ka reshje bore.

Statusi: I shenjuar deri në afërsi të kampingut.

Mjete të nevojshme: Gjatë udhëtimit në këtë shteg duhet veshje sportive,ushqime te ndryshme pasi përgjatë shtegut nuk ka vende për blerje ushqimesh për ngrënje,ndërsa ujë gjen në disa vende përgjatë shtegut dhe nuk është e nevojshme te merret.

Vlerat e shtegut: Përgjatë udhëtimit keni mundësi të shikoni atraksione turistike natyrore siç janë kullotat alpine me një shumëllojshmeri biodiversiteti flouristik, kjo gjatë periudhës 15 Maj-30 Qershor, pyjet e ahut dhe të Mështeknës gjatë gjithë periudhës së verës,terren i hapur i cili të ofron mundësine e shikueshmërisë të të gjithë zonës, monumentin e natyrës “Mështekna e Shishtavecit”,liqeni i Novosejt dhe M.N Guri i Mëngjesit, atraksione kulturore dhe historike siç janë Teqja e Buzmadhes ku është dhe mundësi e mirë për parkingun e automjeteve dhe Kroi i Bardhë.