Balerdi itzuli zirkularra: Azkarate-Gurdilleko lepoa-Zabalegi-Artubi-Astunalde-Altsain-Azkarate

Ibilaldi hau Azkaratetik abiatzen da, Balerdiri itzulia emanez eta Artubi mendia igoz. Handik aukerakoa da Balerdira jeistea (adi haize, euri edo izotzari, ibilbide arriskutsua bait da) eta gero Astunalde lepoko bidetik jeisten da. Balerdi azpitik Azkarateraino doa berriz, bide errazetik. Kontuz zati honetan, okerreko bidea hartuz gero sastraka eta harriz betetako ibilbide zaila aurkituko omen dugu eta.

Autoa Azkarateko frontoian utzi dugu eta handik porlanezko bidean goraka hasi gara

Tarte batean GR-aren marka txuri-gorriak jarraitu ditugu zelaian zehar eta bidea aurkitu dugu eskumara

Gurdilleko lepotik ezkerretara jarraitu dugu Balerdiren azpiko Lasapistonea inguruan ordekan, igoera gutxirekin.

Pinudi batean ezkerretara malda handia hartzen dugu Zabalegira (1100m) iritsi arte. Handik Artubirako bidea ez da argia eta zelaia eta harrien arten igoko gara Artubi gainera.

Artubi (1263) gainetik erabaki dezakegu Balerdira (1193) jeistea. Kontuz gandor honekin, tokia ezagutzen ez baduzu eta haizetsu, bustita edo izotz arrastorik badago, hobe hurrengorako uztea.

Artubitik Astunaldeko lepora (1216m) jeisten da 5 minutuan, eta hesia pasatuta Astunalderako bidetik jeitsi ahal izango dugu. Jeitsiera gogorra da, malda handikoa, kilometro bi baino gutxiagotan 600 metro jeisten dituena.

Handik pixka batera ezkerralderako (N) bide bat hartuko dugu, Balerdiren horma azpitik joango dena. Garrantzitsua da bide honekin hutsik ez egitea, sastraka eta harri artean bukatu nahi ez badugu.

Bide honetan oso erabilgarri egingo zaizkigu ibilbidea markatzen duten harrizko hito edo pilak.

Behin Azkarateko hilerrira iritsitakoan bidea erraza da berriz herrigunera eta pilotalekura iristeko.



Circular de Balerdi desde Azkarate, ascendiendo a Artubi. Desde Artubi se puede bajar a Balerdi (cuidado con viento, lluvia o hielo, ya que es un recorrido peligroso) y luego baja por el collado de Astunalde, por una pendiente muy fuerte (600m de descenso en menos de 2km). El retorno a Azkarate se realiza por debajo del muro de Balerdi, por un sendero boscoso entre rocas, señalizado con hitos de piedra. Atención al tomar el camino correcto ya que podemos terminar en una zona de rocas y vegetación cerrada. Esta ruta es una variante de https://es.wikiloc.com/rutas-senderismo/azkarate-balerdi-artubi-azkarate-2867787 evitando la maleza del final del recorrido.