Azurivage zirkularra 15km

Landatako Azur herrian dagoen Azu'rivage kanpinaren atarian hasi eta bukatzen den txango zirkularra. Lehenengo erdiaren ia-ia guztia asfaltatutako auzo-bideetatik egiten da (300 bat metro D116 errepidetik egiten dira, ia bidebazterrik gabe, kontuz!), eta beste erdia basoko bideak eta kalebideak nahastuta.
Kanpinaren atetik Soustonerako norantza hartzen duen bidegorritik abiatuko gara. 1'5 km egin ondoren, bidegorriak eskubira hartzen du Soustons-erantz, baina guk aurrera jarraituko dugu. D50 errepidea gurutzatu eta aurrera jarraituko dugu. Auzo bideak jarraituz, beste kilometro eta erdi egingo dugu eta D116 errepidera helduko gara. Hemen ezkerrera joko dugu bide ertzetik (trafiko handia eta bide ertza hestua, kontuz) 300 bat metro, errebuelta batean guk aurrrera jarraitu eta errepideak eskubira hartzen duen toki bat arte.
Hortik aurrera track-a jarraitu, auzoko bideak nonahi gurutzatzen dira eta zein hartu asmatzea zaila egiten da eta. Erreferentzia bezala, 6. kilometroan zubitxo bat pasatuko dugu eta jarraian txakur eta katuentzako ostatu bat pasako dugu. Bide hori jarraituz udaran martxan egoten den Artozko Laberintoa egoten den tokia ikusiko dugu eta laister batean D150 errepidea gurutzatuko dugu (7,5 km). Hemendik aurrera basoko bideak erabiliko ditugu. D150 gurutzatu ondoren, DFCI Landes 274 zenbakitutako basoko pista hartuko dugu eta 500 metro egin ondoren ezkerretik doan desbiderapena hartuko dugu. Pare bat kilometroko bueltatxo bat egin ondoren berriz ere D150 errepidera irtengo gara eta Azur alderantz 200 bat metro egin ondoren berriz ere baso bidea hartuko dugu. Laister Plaka Fotoboltaikoak dauden "Granaja Electrica" bat inguratuko dugu (gure ezkerrean utzi) eta haren atzetik doan bidea hartuko dugu berriz ere asfaltora irten arte. Asfaltotik 600 metro egingo ditugu eta ezkerretik beste baso bide bat hartuko dugu, pare bat bidegurutze hartuta D50 errepidera irten arte, Azur-en sarreran dagoen "Pole de la Santé" ondoan. Apur bat eskubira joanda, errepidea gurutzatuko dugu eta arto-landa biren artean doan basobidea hartuko dugu, hortik kanpineraino erraz egingo zaigularik.