Arnoia, circular dende Reza

Esta ruta circular, por varias aldeas do concello de Arnoia, comeza e remata en A Reza. A saída dende o restaurante A Lareira, enfrente a Francelos (coa exquisita igrexa de San Xés, do século IX). Comeza cun paseo pola beira do Miño, entre plantacións de viñedos e algunhas oliveiras, cara á vila termal e ás fermosas vistas da natureza reflectica no encoro de Frieira.
Polos Chaos e os Quinteiros abeiramos o río Arnoia, que dá nome ao Concello e aos famosos pementos da localidade, e dende a área recreativa das Poldras pasamos polo Pomar (coa súa visible torre do reloxo), muíños dez con aula de natureza, praia fluvial... Pola camiño pequenas adegas.
A paisaxe idílica vai quedando atrás e comezamos unha subida ben empinada polos barrios de Nogueredo, Oliveira e Carnós; un par de lavadeiros singulares ben restaurados e unha amplas e fermosas vistas do val van dulcificar o esforzo. E aparece unha pregunta sen resposta: como é posible que viñeran facer un asentamento humano neste sitio tan empinado, baixar a capela, subir á casa dun parente, que pereza ou que fortaleza.
Rematada a dura subida, asfaltada e formigonada, entremos nunha longa pista forestal que remata nunha estradiña, OU215, en prolongada subida durante varios quilómetros para volver a meterse noutra pista con acacias e máis piñeiros, de cando en vez carballos ou sobreiras. Este tramo de estrada non é nada recomendable e nunha futura revisión debería de verse algunha alternativa.
Na pista final, ben longa, alcánzase o punto máis alto da ruta, 527m, para comeza unha longa baixa de casi 4 quilómetros, cun primeiro tramo amable e un remate fatigoso, sobre todo si toca facelo entre as 14 e 15 horas dun día soleado.
Ao remate menú do día en A Lareira e cañas varias.