Albeiz-Albeiz haitza-Umandia-Albeiz

Ibilbide ederra, baina pixkat basatia batzuetan, zirkular batean Albeiz eta Umandia egiteko.

Aterako gara Albeiztik datorren pista batetik, han lekua dago kotxea uzteko (pixkat aurrean ere bai). Iparraldera goaz, ameztietatik, eta momentu batean GRa hartuko dugu, handik oso gertu Ameztutxo iturri ederra dago. GRa joaten da lohiaz beteta dagoen lekutik (abereengatik), eta erreka pasa ta gero iturburu polit bat ikusi dezakegu. Handik oso gertu aterako gara GRtik eta harkaitz sakana barrutik sartuko gara, ubidetik. Han arteak eta erkametzak daude, trasmotxo asko. Batzuetan bidetxoa ez dago oso garbia (kairnak daude), zuhaitz zahar asko erorita daude ere bai, gure bidea mozten. Bapatean ekialdeko magaletik sartzen gara, sakanako azken zatia ezin delako ubidetik joatea. Sakanatik ateratzen gara, gurutzatzen dugu erreka eta magal zakar batetik igotzen gara. Kairnak daude, baina gutxi eta deseginda. Dena den, ez dago galtzeko arriskurik, gora ta kitto.

Albeiz haitza igotzen dugu ta gero bide on batetik (pinuditik) Umandiko magalera iristen gara. Harkaitzetik bidetxo txiki bat dago iparraldeko basoetatik sartzeko. Pagadi polit bat da hau, baina nahiko kaotiko jarraitzeko. Ia ia ez daude bidetxorik, baina galtzeko arrisku gutxi dago, beti eduki behar dugu kresta gure ezkerrean. Azkenean krestatik joango gara, ehiztako postu baten bat pasa, ta Umandiko tontorrean gaude.

Jaisteko bidetxo argiagoa dago, kairnak daude bidea aurkitu arte. Gero bideetatik martin txabolatik pasako gara (errefugio ederra) eta behera joko dugu. Amezti batean sartuko gara berriro. Han barruan iturria, zuhaitz handi ta eder bat, eta abereen txabola zahar batetik pasako gara, aparkalekura iritsi baino lehenago.