20230719 Islares Cerredo Cerdigo Islares

Islares(e)tik abiatzen den ibilbide zirkularra, eta toki hauetatik pasatzen dena:
- Abiapuntua A8 autobideak Islares-en duen irteeran izango da. Laredo aldetik etorrita irteeran bertan desbiderapen txiki bat dago "Carrocerías..." eta "Punto Limpio" jartzen duena. Castro aldetik etorrita irteera hartu eta ezkerrera egin behar da desbiderapen hori hartzeko. Karrozeria ondoan utzi dugu kotxea.
- Abiatu eta berehala eskubira hartu dugu (WP01), 100 bat metrotan asfaltoaren gainean baina berehala ezkerretik ate bat pasa (WP02) eta mendiko bide bihurtuko dena. Hortik aurrera lehenengo 2 kilometroak aldapan gora doaz, erruki gabe, mendiko harrizko pista jarraituta (ibiltzeko ez da oso erosoa). Eskubian tontortxo bat dago (WP03), itxasorako bista ederrekin.
- Ezkerrera hartuta, apur bat gora eginda, laister lepo batera heldu gara eta beste aldetik jaisten hasi garenean ezkerrera egin dugu, garoak ia tapatuta daukan bidexka bat jarraituz (WP04). Aurrerago bidea garbitu egin da, errazagoa egin da jarraitzeko eta bailararen bukaerara heldu garenean aldapatxo txiki bat igo dugu gure ezkerretik (WP06), beste lepotxo batera heldu arte (WP07), aurreko lepotik 1,3km beranduago, gutxi gora-behera. Tarte honetan (WP04-WP07) tabano pila izan ditugu eta tokiaz disfrutatzen ez digu utzi, azkar aurrera egin behar izan dugu eta. Bestela, oso leku polita zirudien.
Behin bigarren lepotxo hau igarota, ondo markatutako bidetik jaitsi gara etxetxo baterarte (WP08). Hau baino aurreraxeago ezkerrera egin (WP09) eta landatu berri dauden arbola batzuen artean igotzen hasi gara. Laister bidea ezkerretik utzi dugu (WP10) eta ezkerrean nabarmen ikusten den tontorrerantz abiatu gara, baina eskubitik inguratu behar da. Hortik aurrera harri pilotxoek eta pintura gorriz eginiko markek lagundu digute tontorrerako bidea aurkitzen, aldapa errza igota. Tontorra (WP13) oso polita, egun argiz kostalde guztia ikusten da.
Jaisteko, hasieran igoerako bidea hartu dugu, baina laister ezkerrera egin dugu (WP14), erreferentzi bezala aurrean antena handi bat hartuta. Altuera galdu gabe ezkerrera doan bidexka hartu dugu, hego-ekialdera (WP15). Bide hau laister elkartu da mendiko pista batekin, menhir txiki bat dagoen tokian (WP16). Pista hau kilometro bat jarraitu dugu eta aldapa behera goazela ezkerrera hartzen duen beste pista batera pasatu gara (WP17). Pista hau mendian behera 3,3 kilometrotan jarraitu dugu, inolako desbiderapenik gabe eta galtzeko arriskurik gabe. Pistaren azken metroak autopista ondoan dagoen auzotxo batean egiten dira eta autopistaren parera heltzean, autobus geltoki-txabola baten ondoan ezkerrera hartu dugu (WP18), A-8 autopistarekiko paralelo doan asfaltatutako bidetik azken 3 kilometro pasatxoak egiteko, bukaeraraino.

Txangoak bi atal oso ezberdin ditu: goiko partea, WP04 eta WP16 bitartean, berezko mendia oso polita da (nahiz eta guk ezpata-tabanoen erruz ezin izan dugun tramo luze bat asko disfrutatu); leku askotatik itxasorako bista ederrak dauzka eta ibiltzea ere erosoa egiten da. Beheko partea, hasierako gorako pista WP04 arte eta beherakoan WP16tik aurrerakoa mendiko pista da, ibiltzeko ez horren erosoa eta inguruan ote-zaziz josita. Gainera, azken hiru kilometroak, asfaltoan eta autopistaren albo-albotik, horrek dakarren zaratarekin, guztiz nekezak egin zaizkigu. Beraz, mendi polita bai, baina igoera ez horrenbeste, txangoaren "nota" apur bat jaisten duena.

*Denborak:
- Mugimenduan: 3:44:45
- Geldirik: 0:43:22
- GUZTIRA: 4:28:07

* Desnibela:
- Gorakoa metatua: 704 m.
- Beherakoa metatua: 695 m.

* Abiadura:
- Batazbestekoa: 3,3 km/h
- Mugimenduan: 4 km/h

* IBP Index: 71. Txosten osoa hemen: http://www.ibpindex.com/ibpindex/ibp_analisis_completo.php?REF=38989754164210&MOD=HKG&LAN=es&REM=

* Ibilaldiaren bidea (Relive): https://www.relive.cc/view/vYvrVg89WLv