20221206 Orio-Arratzain-Donostia

Orioko tren geltokitik abiatuta Donostiako Igara auzoan bukatzen den txangoa. Dena asfaltozko ala porlanezko pista-baserri bideetatik egiten da eta beraz oso aproposa da egun euritsutan egiteko, loktsakin gehiegi zikindu gabe.
Geltokitik abiatuta, Orio barruan sartu gara eta Santiago Bidearen markak jarraituta laister irten gara bere goikaldetik autopistako sarreraraino. Hemen Santiago Bidea utzi dugu, hura Igeldorantz Kukuarri ingurutik doa eta gu gaurkoan beste bide batetik joan bai gara.
Tarte batean (ggb 1,5 km) Igeldora doan errepidea jarraitu dugu (kontuz trafikoarekin), Aizperro landetxea pasatu eta Itxaiz baserriraino. Hemen eskubira behera hartu dugu eta autopistaren azpitik pasatu gara, hori baino lehen Ñandu, Emu edo horrelako ostrukaren familikoak dituen baserri baten indotik pasatuta.
Autopista pasatuta, baserri bideetatik laister gora egin dugu, gehiegizko aldaparik gabe, baina tarte luzetxo batean, ia 4 Km, hasieran Aginagamendi eta geroxeago Arratzain mendiak gure ezkerretan utzita. Aldapa Arratzain Sagardotegian bukatu da.
Sagardotegitik behera egin dugu eta laister berriz ere autopista azpitik pasatzen duen tunelera heldu gara, baina aurrera egin gabe (segituz gero baita ere Igaran bukatuko genuke, baina industrialdearen bukaeran, Igara kanpinaren bidetik). Gure kasuan eskubira jo dugu beste 600 bat metro eta hor bai ezkerrera AP8 autopistaren azpitik pasatu gara.
Aldapatxo bat igota, gure ezkerrean autopistako Aritzeta gunea ikusi dugu. Hori beti ezkerrean bistan jarraituta, aurrera egin eta laister Lukainkategi jatetxearen paretik pasatu gara.
Lukainkategin mokadutxi bat jan ondoren, aldapa behera egin eta autopistaren gainetik pasa ondoren (oraingoan autopista zaharra, orain Donostiako bariantea bihurtu den GI-20), laister Aingeru Guardakoa ermitaren ondotik pasatu gara. Hemendik behera eginaz, laister sartu gara Donostiako kaleetan Ibai Ikastolaren ingurutik.
Igara bidearen hasieran bukatutzat eman dugu txangoa eta merezitako bazkaria hartu dugu.
* Guztira 14,150 Km.
* Denbora: Denera 3 or 20'. Horietatik 30' inguru geldi.
* Zailtasunik bat ere ez dago. Kontuz Orioko autopista sarreratik errepidea utzi arte, trafikoagatik.