20200207 ArroaGoia Endoia Andutz Itziar Santuaran Presalde ArroaGoia

Zestoako Arroa Goia auzoan hasi eta bukatzen zen txango zirkularra. Zailtasunik gabekoa eta bide ezagunetatik egiten dena.
Arroan, Endoiara marka zuri-urdinez markatuta dagoen bidea hartuko dugu, hasieran porlanezko pistatik, geroago mendiko pistatik eta mendi bidetik bukatu.
Endoia atzean utzita, Lastur aldera doan errrepidea jarraituko dugu, Esteia baserrira doan bidegurutzerarte, hemen eskubira hartuko dugu. Gaur egun erorita dagoen baserri honetan (zaldiak gordetzeko tokia daukate egina), mendi bidea hartuko dugu aldapan gora, marka zuri-horiak jarraituz. Galtzerik gabe, Saltsamendi mendiaren oinetara eramango gaitu bideak eta hemendik (edo guk egin dugun bezala albo batean utzita), laister Andutz tontorrera helduko gara. Hemendik inguruko begibista zoragarriak.
Andutzetik Itziarrera laister jaitsiko gara eta hemen mokadutxo bat hartuta, behera hartuko dugu, N634 errepidea gurutzatu eta gezi horiak (iparraldeko Santiago Bidea) jarraituta, Santuaran jatetxearen ondotik Autopista gainetik pasako gara eta eskubira hartuta bide horia jarraituko dugu. Erlete baserri eta landetxera heldu aurretik ezkerrera-gora hartuko dugu eta mendi bidea jarraituko dugu porlanezko bidearekin gurutzatu arte, hemen ezkerrera hartuta.
Txindurri-Iturri eta Urain Apartamentuak banatzen dituen bidegurutzean eskubira hartuko dugu, azkeneko honetara (Urain) bideratuz. Etxe aurretik pasatuta aurrera jarraituko dugu eta laister Uraintziar baserrira helduko gara, pistaren bukaera. Mendi bidetik aurrera jarraituta, maldan behera Ibarrola baserrira helduko gara eta hemendik autopista azpitik pasatu harte. Hau egin ondoren ezkerrera egingo dugu eta kilometro battean errekatxo bat jarraitu ondoren, Etxetxo baserriaren parean Arroarako bidea hartuko dugu, aldapa handia igota helduko garena.
Guk 5 ordu inguru egin ditugu buelta ematen, Itziarren mokadutxo bat jateko geldituta.