2 - Arrola - Orozko - Oderiaga - Gorosteta - Gorbeia - Saldropo

2. eguna. Oso polita, interesgarria luzea, gogorra eta bakartia egin zitzaidan. Haize oso gogorra egin zuen, eta gailurrak egiteko zalantza izan nuen. Horregatik ez dago argazki eta bidepuntu askorik, haizeak telefonoa eskuetatik ere kentzen zidan eta.

Ibilbide osoa: Bilbo - Ganekogorta - Hiru Handiak - Aratz - Oñati: https://eu.wikiloc.com/ibilbide-senderismo/bilbo-ganekogorta-hiru-handiak-aratz-onati-168660140
Egunez eguneko etapak:
1. eguna: Bilbo - Ganekogorta - Laudio - Arrola: https://eu.wikiloc.com/ibilbide-senderismo/1-bilbo-ganekogorta-laudio-arrola-168399375
3. eguna: Saldropo - Saibigain - Urkiola - Anboto - Orixol - Kurtzeta - Albina: https://eu.wikiloc.com/ibilbide-senderismo/3-saldropo-urkiola-anboto-albina-ingurua-168462295
4. eguna: Albina - Jarindo - Landa - Galbarrain - Elgeamendi - Leizargarate: https://eu.wikiloc.com/ibilbide-senderismo/4-albina-jarindo-landa-elgeamendi-leizargarate-168518919
5. eguna: Leizargarate - Mugarriluze: https://eu.wikiloc.com/ibilbide-senderismo/5-leizargarate-elgea-urkilla-aratz-aizkorri-168564165
6. eguna: Aizkorri - Urbia - Aizkorritxo - Belar - Oñati: https://eu.wikiloc.com/ibilbide-senderismo/6-aizkorri-onati-168597288

Egun honetako gailurrak hauek dira:
1. Arrola (gaua bertan pasatuta)
2. Kurutzegan
3. Kolometa
4. Belutzaran
5. Egileor / Ubieta
6. Oderiaga / Arna
7. Ipargorta
8. Arranoatx
9. Gorosteta
10. Arrabakoatxa
11. Aldabe
12. Artalarra
13. Gatzarrieta
14. Gorbeia

Gauean haize oso gogorra egin zuen eta goizean ez zegoen martxan jartzeko gogo handirik.

Mugitzen hasi eta laster Orozkora heltzen da. Bertan okindegia, dendak, supermerkatua... denetarik dago. Erosketak egiteko kontuan izan behar da, nik hautatutako ibilbidean ez baita beste herritatik pasatzen (nahiz eta Otxandiora desbideratu daitekeen).

Orozko pasatuta, GR 123 jarraituz Ulizar lepora arte. Hortik aurrera, mendilerro gainetik joan nintzen, nahiz eta beherago joan daitekeen. Gailurretatik joatea erabaki nuen, haize oso gogorrarekin. Belarrezkoak dira, beraz ez da oso arriskutsua.

Etapa honetan tontor gehiago egin daitezke (Usotegieta eta Azaolako Atxa, adibidez, GR 12 hortik pasatzen da, oker ez banago). Haizeagatik, pistatik joatea nahiago izan nuen, baina Ipargorta inguruan zertxobait baretu zen eta Gorosteta eta Gatzarrieta arteko gailur harritsuetatik joatera ausartu nintzen (Gorostetatik Arrabakoatxarako jaitsiera nahasi samarra da, haitz eta baso artean) eta baita Gorbeiara ere, geroago.

Azkenik, Saldropora jaisteko Atxuriko pasabidetik jaitsi behar da, ohituta ez dagoen jendearentzat arriskutsua izan daitekeena (ez da hainbesterako, baina motxila handia eta nekearekin kontuz ibili behar da). Sei eguneko ibilbide guztian pasabide arriskutsu guztiak errez ekidin daitezkeela esango nuke, hau izan ezik. Gainera, hortxe bertan euria hasi zitzaidan.

Azkenik, Saldropora heldu eta interpretazio zentroa okupatu nuen gaua pasatzeko. Saldropo oso ondo dago: atseden gunea, mahaiak, iturria, komuna... nik uste merezi duela honaino etortzeak, Arimekorta inguruan gaua pasa beharrean.

Hasiera-ordua: 09:04 2024(e)ko api. 2(a)
Amaiera-ordua: 19:14 2024(e)ko api. 2(a)
Ibilitako distantzia: 28,2 km (09:51)
Denbora mugitzen: 02:33
Batezbesteko abiadura: 2,86 km/h
Abiadura mugimenduan: 11,02 km/h
Gehineko abiadura: 35,12 km/h
Gutxienezko Altuera: 156 m
Gehienezko Altuera: 1479 m
Igoera abiadura: 381,4 m/h
Jaitsiera abiadura: −430,3 m/h
Altitude irabazia: 1937 m
Altitude-galera: -1967 m
Igoera-denbora: 05:04
Jaitsiera-denbora: 04:34
IBP index (hiking): 171