Glerárhringurinn neðri / Glerá river - lower part

Fjölbreytt og skemmtileg hringleið eftir malbikuðum stígum, malarslóðum og troðningum.
Alls er farið yfir 4 mismunandi brýr á þessari leið, þaraf 2 göngu/-hjólabrýr.

Ferðin hefst við Glerártorg þaðan sem farin er meðfram Glerárgötu og yfir Gleránna. Strax og komið er yfir brúnna er haldið til vinstri upp með ánni, stígnum er fylgt þangað til að komið er upp fyrir gljúfrið og Glerárvirkjunina þá eldri, þá er beygt til vinstri og farið yfir rauðu brúnna fyrir ofan stífluna. Þegar yfir brúnna er komið er farið undir undirgöngin og strax til vinstri og aftur til vinstri upp með Borgarbrautinni þangað til að búið er að hjóla aftur yfir Gleránna.

Þá er farið inn á stíg sem liggur inn í skógarreitinn fyrir ofan ánna. Þeim stíg er fylgt þangað til að komið er að hringtorgi við veginn upp í Hlíðarfjall. Farið yfir bæði Hlíðarbrautina og Hlíðarfjallsveginn og farið niður slóðann sem liggur niður að ánni á ný við brúnna og niður að nýju virkjuninni til móts við steypustöðina.

Fylgið stígnum sem liggur sem næst ánni, og haldið beint áfram í gegnum reiðleiðina sem þverar stíginn.

Malarstígurinn sem við fylgjum nú liggur að mestu meðfram ánni og má víða sjá niður í stórfenglegt gljúfrið og á fallega fossa. Leiðin liggur fram hjá akstursvæði bíla- og mótorhjólafélaganna (sem eru á hægri hönd), eftir mótorcross svæðið tekur leiðin á sig sveig upp fyrir skotæfingasvæðið. Þar fyrir ofan er komið á malarveg sem fylgt er yfir ristarhlið og í áttina að Hlíðarfjalli.

Gætið þó að ekki veginum er ekki fylgt áfram upp að Hlíðarfjalli heldur er sveigt inn á veg sem liggur áfram inn Glerárdalinn, þegar sést í downhill brautina sem kemur niður úr Hlíðarfjalli (á hægri hönd) þarf að fylgjast vel með merkingu því stuttu sunnar kemur slóði sem fylgja á niður að ánni (er uþb til móts við bílastæðið fyrir gönguleiðina upp á Súlur, sem sjá má hinu megin við ánna). Þar er haldið niður og má vel vera að það borgi sig að teyma hjólið þar niður því leiðin er brött og erfið á köflum. Þegar niður að ánni er komið liggur slóðinn niður með ánni og að göngubrú þar sem er farið og slóða fylgt áfram upp hæðina og að bílastæðinu við Súlur.

Þaðan er veginum síðan fylgt alveg niður að Mjólkursamsölunni á Akureyri. Farið að og yfir Þingvallarstrætinu og hjólað í átt að miðbænum eða niður að göngubrautinni að Hrísalundi, þá er beygt inn á göngustígnn til vinstri og honum fylgt í átt að háskólanum á Akureyri. Hjólað er framhjá hjólabretta vellinum, háskólanum, Íslandsklukkunni og þar fyrir neðan er beygt til hægri og farið yfir Norðurslóð, við undirgöngin þar sem við komum í gegn við upphaf leiðarinnar er beygt til hægri og haldið niður með Borgarbrautinni alveg niður að Glerártorgi þar sem hringnum er lokið.