Gasteiz-Laminoria-Maeztu-Izki parke naturala-Santikurutze Kanpezu-Lizarra

2021.eko Abuztuan egin nuen bikepacking-eko bidaiaren bigarren etapa.
Gasteizko hegoaldetik irtenda, Vasco-Navarroaren bide berdetik igaro eta, herriz herri, Laminoriako urtegira heldu. Bertan, bide berdeak trenbidearen ibilbidea uzten du eta urtegiaren presa zeharkatuz, Legarda menditik igarotzen da.
Kuriositateagatik Laminoriako tunelaren ahoraino noa, aurretik baitnekien ezin dela zeharkatu, urez beteta baitdagoelako.
Urtegira itzultzen naiz eta bide berdearen desbioa hartuz, Legarda menditik igarotzen naiz, errepide batera heldu arte. Errepidea jarraituz, bide berdera itzultzen naiz eta ibilbidearen lehen tunela zeharkatuz, Maeztura heltzen naiz.
Bertan, Izkiko parke naturala txirrindulaz ezagutu nahi nuenez, Goikara herrixkaraino noa eta handik, Izki parke naturalean bertan sartzen naiz. Izkiko bidexka batzuk esploratu eta "arratoiatzen" ditut eta, behin Korres herrixkako hegoaldetik pasata, Izki ibaiaren ertza jarraituz, eta ibi batetik zeharkatu ondoren, Bujandara heltzen naiz.
Han bide berdea berriro hartuta, Santikurutze Kanpezura noa eta, bide berdea jarraituz, Arquijas-eko biaduktu eta tunela (1.400 m luzera) zeharkatuz, herriz herri igarotzen naiz: Acedo, Antzin, Murieta, Zubielki eta, azkenean Lizarra eta etaparen amaiera.
Etapa polit-polita.
Laminoriako igoera gogorra egin daiteke eta Izkiko bidexka batzuk teknika apur bat eskatu dezakete. Izkiko parke naturala ekidi daiteke bide berdea jarraituz.
Adi Arquijaseko tunelak beti ez dauka argirik. Horregatik txirrindulazko linterna bat eramatea gomendagarria da.
Oharra: Izkiko GPX-aren tartean galdu nintzen. Hoberena da Korres herrira markatzen dituen bidearen seinaleak jarraitzea.