Anillo Celtiberico 1-3tik. Soria - Vinuesa - Covaleda

Soria inguruak ezagutzeko ibilibide zoragarria, paisaia desberdinak ikusiz eta ia errepiderik ikutu gabe. Zati gehienak senda estuak dira eta exigenteak.
Anillo Celtiberico deituriko itzulia osatzeko, hau da hiru egunetako lehen etapa. Alforjekin egiteko aukera badago nahiz eta batzutan oinak lurrean jarri behar diren igoerengatik edo jaitsierengatik baina ez dira saio luzeak izaten. Aukera baduzue 4 etapetan egiteko egokiagoa da.
Lehen etapa Soria hiriburutik abiatzen da , eta GR 14a jarraituz Dueron ondotik joaten da Garray herriraino ( Numancia ondoan). Bertatik Campiño de Buitrago presara. Urtegian inguruan senda teknikoa geratzen da, baina zoragarria da ibilbidea.
Pedrajasen ura hartu eta basora sartzen gara, Valonsadero mendira, zelai, dehesa eta harizti artean Cuerda del Pozo urtegiraino. Bertako presa pasata urtegiari jotzen dagoen senda batetik joateko aukera dago. Momentu batzutan hainbeste ixten da ibilbidea, ia ez dela ikusten eta errepidera irten naiz. Ondoren Vinuesara iritsi eta bazkaltzeko tartea. Merezi du herri honek bisitatzea, duen alde zaharragatik.
Bertatik Molinos del Duero eta hortik Salduerora (igerileku naturalak daude errekan bertan). Eguneko aldaparik gogorrena daude herriko irteeran, (2 km-tan 220 metroko desnibel +) gainera bidean estutasunak eta harroka solteek igoera zailtzen dute. Goiko zatia ez da oso erosoa egiten alforjekin joateko eta 10 km ondoren dagoen jaitsiera ere tekniko samarra da. Inguruak, albar pinuz josiak daude, eta hauek dira eskualdeko ekonomiaren ardatza.
Amaieran Covaledako kanpinera iritsi naiz eta bertatik Covaleda hiriguneko aterpera.
Esandakoa asko kunditzen du ibilbideak, batez ere kargatuta bazoaz, ia dena sendak direlako eta behera begira joan behar delako bidea zaintzen. Bestela parajeak ederrak
dira.
GPS arabera. 77 km 1197 desnibel+.
Antolakuntzan arabera: 75 km eta 963 m igoera +.