Larraun ibarra Lekunberritik

Ibilbide zirkularra: Lekunberri-Uitzi-Gorriti-Azpirotz-Albiasu-Bararaibar-Iribas-Mugiro-Arruitz-Aldatz-Etxarri-Lekunberri

Nafarroaren ipar ekialdean ibar zoragarri asko daude. Larraun errekak Aralar mendikatearean iparraldean sortu eta Arakil errekara isurtzen ditu berre urak, Irurtzun inguruan. Izena ematen dio ibar luze honi eta hamabost kontzejuko udalari ere bai. Ibarraren erdian Lekunberri kokatzen da, 1990 urtean bere udala sortu zuen Larraunetik banatu ondoren.

Larraun ibarra ezagutzeko aukera polita eta nahiko erraza. Ibilbide hontan, Lekunberritik abiatuta, ibarrako11 kontzejuetatik pasatzen da. Zailtasun teknikorik gabeko bideak dira: Plazaolako Bide Berdea, errepide localak eta herri arteko mendi pistak erabiltzen dira.

Nahiz eta metatuko desnibelak nahiko arinak izan zailtasunari begiratuta ibilbide hontako tarte batzuk aipatuko nituzke. Uitzi eta Gorritiren arteko mendatea, Autobidearen azpitik Azpirotzera joateko pista zakar xamarra eta Baraibarera iritsi aurretik hartxintxarreko aldapa. Aralar Kanpiñetik Larraun errekaren ondora jetsi giñan gero, Mugirora joateko asmoan ondoren. Pista honen bukaeran presa bat dago. Puntu hortatik Mugirora joateko pendize haundia dago. Eskailerak daude hasieran eta gero porlanezko bidea, puntu batean edo bestean aldapa gora dexentekoa. Presatik Mugirora kilometro eskaseko luzera dago eta txirrinduaren gainean ederki berotzen dira ankak. Beste tartea Aldatz eta Etxarri kontzejuen bitartekoa da. Aurten ez dute "desbrozadorarik" pasa oraindik eta landaretzak bidea oztopatzen zuen puntu batzuetan. Kilometro bateko zatia da. Alternatiba askoz garbiagoa dago Aldatz herriaren irteeran. Track honen parean baino 300 m beheragotik Etxarrira doan porlanezko pistatik joan ezkero.

Paraje zoragarriak dira Aralar inguruko hauek, mendi tontorrak, pagadi amaitu ezinak, belardi eta nekazal soro zabalak, abereak, erreka gardenak (Larraun), kobazuloak (Mendukilo)... . Landa etxe dotore haundiak daude baita baserri zaharrak ere txoko eta paisai bukolikoak osatuz. Edozeinek aisialdirako aukera ezberdin eta paregabeak aurki ditzake Larraun ibarran. Panoramika ederrekin osatzen da ia bide osoa, Azpirotz ingurutik eta Albiasuaren gainean dagoen "behatokitik" ikusten direnak dira horren adibidide.

Nahi izan ezkero tabernak, jatetxe eta ostatua ere erraz aurki daitezke. Landa etxeak daude herri guztietan eta Lekunberrin hotela eta kanpiña ere bai. Azkeneko hontan otordutxoa egin genuen ibilbidearen azkeneko txanpa hasi aurretik.

Eguraldiak lagunduta, presarik gabe, deportea eta turismoa ustartuz egindako txango gozagarria da hau. Oso gomendagarria.