El Saler - Elx

Eurovelo 8 izeneko ibilbidearen zati bat. Zailtasun bakarra El Serpis ibaiaren ondoko bidean aurkituko dugu: zoru harritsua, gurpil sendoak eskatzen dituena. Egun batean euria izan zenez, Eurovelo utzi eta asfaltora pasa behar izan genuen 10 kilometroko tartean.
Gainerakoan, ibilbide erraza da, oso anitza paisaiei dagokienean. Serpis ibaiaren zintzurra ikusgarri zegoen, azken euriteen urei esker.
Laupabost etapatan egin daiteke.
1. Valentzia-Cullera. Albufera zeharkatuz, hegaztiak, arroz-soroak eta eraikin tipikoak ikusi. Cullerako gaztelura igo. (Hotel Costa San Antonio)
2. Cullera-Beniarrés. Laranjondoak, olibondoak lautadan, Gandiako itsas pasealekua eta alde zaharra, Serpis ibairen haitzartea. (Aldapa pikoak hemen, jatorrizko bidetik desbideraketa dagoelako. Pazientzia, merezi du.). Beniarrés txikia izan arren, oinarrizko zerbitzuak ditu. (Ca Ramon apart.)
3. Beniarrés-Castalla: Muro de Alcoi, Concentaina eta Alcoi zeharkatuko ditugu. Inguru industrializatua da, mendien erdian, eta Alcoi erdiguneko plazan geldialditxo bat egin daiteke (aldapak). Gero bide berdea hartu eta ibibideko gune altuenera iritsiko gara. Handik Ibi eta Castallara jaitsi. (Hoten Costanova).
4. Castalla-Alacant: Castallak merezi du bisita (eliza, plaza, jauregi zaharrak ,,, eta, nola ez, gaztelua muino baten gainean). Gero Eurovelok lurrezko pistetatik zaramatza Maigmo-ren bide berdea hartzera, baina euriak lokatzezko pista bihurtu du pista eta asfaltora jo dugu, via verdearen hasieraraino. Hau da ibilbideko beste puntu ikusgarri bat. Ondoren Agost dator eta handik Alacantera ederki atondutako bidegorri sarean barrena. Alacanteko alde historikoa ederra da, turistentzako apartotelaz betetzen ari bada ere. Guk horietako batean hartu genuen ostatu: Luces de Catedral.
5. Alacant-Elx. Bidegorri sare polita dago errepideen ondoan, eta hara eta hona ibili ginen, gatzaren ekoizpenari, laranjaondoei eta palmondoei emandako lautada honetan.Elx-en abegitsu hartuko zaitu bertako damak eta merezi du bisita. (Jardin Milenio hotel)
Zailtasun ertaina jarri dugu Serpiseko 2. etapako malda eta pistengatik. Baina kontrako norantzan erraza litzateke.
Aipatzen diren hotelak abegitsuak izan ziren gurekin eta erraztasunak eman zizkiguten txirrindekin.
Azkenik: traka zorabiatu egin zen 4. etapan (euriagatik agian) eta desnibela gaizki eman zuen. Orotara 1550 metroko desnibela pilatzen da ibilbide honetan.